- Qazaqstannyń Jemqorlyqqa qarsy is-qimyl ulttyq biýrosynyń Almaty oblystyq departamenti QR Qarjy ministrligi Memlekettik kirister komiteti Óndiristik emes tólemder basqarmasynyń bas sarapshysy R. Jumabaevty ustady, dep habarlaidy "Ult aqparat".
«R. Jumabaevtyń Qapshaǵai qalasy aýmaǵynda ornalasqan oiynhana ókilderinen oiyn mekemeleriniń kásipkerlik qyzmetine zańsyz qamqorlyq jasap, salyqtyq tekserýler júrgizbeý úshin júieli túrde para alǵandyǵy anyqtaldy. Máselen, R.Jumabaev deldal óziniń uly D.Ýdanov arqyly Qapshaǵai qalasyndaǵy «InjýKZkazino «HO» ókilinen 5 myń AQSh dollary somasynda kezekti para alý barysynda ustaldy» delingen Qazaqstannyń Ulttyq jemqorlyqqa qarsy is-qimyl biýrosy taratqan habarlamada.
Qazirgi ýaqytta R. Jumabaev pen D. Ýdanov QR QIJK 128 babyna sáikes Ile aýdandyq IIB ýaqytsha oqshaýlaǵyshyna qamaldy. Sotqa deiingi tergeý amaldary júrgizilýde.
