Búgin Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen onlain rejiminde Qazaqstan Respýblikasy Prezidentiniń janyndaǵy Sybailas jemqorlyqqa qarsy is-qimyl máseleleri jónindegi komissiianyń kezekti otyrysy ótti, dep habarlaidy Aqorda.
Otyrysta eki másele talqylandy: «Qazaqstan Respýblikasynda jer resýrstaryn basqarý, paidalaný jáne qorǵaý tiimdiligi týraly» jáne «Azamattardy turǵyn úimen qamtamasyz etý boiynsha memlekettik qoldaý sharalaryn iske asyrýdyń tiimdiligi týraly».
Elimizdiń áleýmettik-ekonomikalyq damýy men azamattarymyzdyń ál-aýqaty úshin bul máselelerdiń mańyzdylyǵyn Elbasy men Memleket basshysy atap ótip, tiisti mindetter men maqsattar birqatar strategiialyq jáne baǵdarlamalyq qujattarda naqtylanǵan.
Degenmen, olardy ýákiletti memlekettik organdardyń is júzinde júzege asyrýy azamattar men kásipkerlik sýbektilerine, ásirese, aýyl sharýashylyǵy taýarlarynyń óndirisi salasyna qatysty aitylyp júrgen syndar negizsiz emes.
Memleket basshysy Qasym-Jomart Toqaev 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» dep atalǵan Qazaqstan halqyna Joldaýynda da «Nurly jer» baǵdarlamasyn iske asyrý qarqynynyń baiaýlap qalǵanyna nazar aýdardy, bul birinshi kezekte aýmaqtardy jailastyrý jumystarynyń tómen ekenin kórsetedi.
Osyǵan bailanysty otyrysta birinshi máseleni qaraý kezinde aýyl sharýashylyǵy, tsifrlyq damý, innovatsiialar jáne aeroǵarysh ónerkásibi ministrlikteriniń, basqa da ortalyq jáne jergilikti atqarýshy organdardyń birinshi basshylarynyń baiandamalary tyńdaldy.
Talqylaý barysynda baiandamashylarǵa jer quqyǵy qatynastary salasynda, birinshi kezekte kásipkerlik jáne jeke turǵyn úi qurylysy muqtajy úshin jer berý kezinde barynsha ashyqtyq pen júielilikti qamtamasyz etý tapsyryldy.
Paidalanylmaityn aýyl sharýashylyǵy jerlerin keri qaitarý boiynsha jergilikti atqarýshy organdardyń jumysynyń enjarlyǵy jeke atap ótildi.
Mysaly, Aqmola, Shyǵys Qazaqstan, Qostanai jáne Mańǵystaý oblystarynda Jerdi qashyqtyqtan zondtaý pilottyq jobasynyń nátijeleri boiynsha jer inspektsiialary bergen málimetterden edáýir kóp aýyl sharýashylyǵy alqaptary paidalanylmai jatqany anyqtaldy.
Oblystar men respýblikalyq mańyzy bar qalalardyń ákimderiniń nazaryn jeke turǵyn úi qurylysy úshin jer ýchaskelerin berý salasynda jinaqtalǵan problemalardy jedel joiýǵa aýdartty.
Atap aitqanda, olarǵa jáne salalyq ministrlikterge jeke turǵyn úi qurylysyna arnalǵan massivterdi kommýnaldyq infraqurylymmen jabdyqtaý máselelerin sheshýdiń balama joldaryn ázirleý usynyldy.
Jalpy, otyrysta talqylanǵan problemalar sybailas jemqorlyqqa jaǵdailar jasaidy, osyǵan bailanysty komissiia ýákiletti memlekettik organdarǵa olardy joiý boiynsha dereý sharalar qabyldaý qajettigin kórsetti.
Ekinshi máseleni talqylaý aiasynda turǵyn úi qatynastary salasyndaǵy «Nurly jer», «7-20-25», «Baqytty otbasy» memlekettik baǵdarlamalaryn iske asyrý barysy qaraldy.
Komissiia muqtaj azamattardy turǵyn úimen qamtamasyz etýdiń aldaǵy josparlary týraly ýákiletti organdardyń baiandamalaryn nazarǵa aldy.
Sonymen qatar, Qazaqstan Respýblikasynyń Memlekettik hatshysy demografiialyq jáne kóshi-qon protsesterine bailanysty turǵyn úige suranystyń artýy, bul maqsatty jumysty jandandyrý qajettigin atap ótti.
Sondai-aq, turǵyn úi sapasyn qamtamasyz etý, jaýapsyz qurylys kompaniialardan zardap shekken úleskerlerdiń problemalaryn sheshý, turǵyn úi baǵdarlamalaryna bólingen memlekettik qarajattyń jumsalýyna qarjylyq baqylaý sharalaryn kúsheitý máseleleri qaraldy.
Otyrys qorytyndysy boiynsha Qazaqstan Respýblikasynyń Memlekettik hatshysy Qyrymbek Kósherbaev qaralǵan máseleler boiynsha naqty tapsyrmalar berdi, olardyń oryndalýy baqylaýǵa alyndy.
