Aqorda rezidentsiiasynda QR Memlekettik hatshysy Q.E.Kósherbaevtyń tóraǵalyǵymen Qoǵamdyq sanany jańǵyrtý baǵdarlamasyn iske asyrý jónindegi Prezident janyndaǵy ulttyq komissiianyń otyrysy onlain formatta ótti.
Otyrysta Baǵdarlamany 2020 jyly iske asyrý nátijeleri jáne aldaǵy jumystyń jańa basym baǵyttary qarastyryldy. Keńes barysynda QR Aqparat jáne qoǵamdyq damý ministri Aida Balaeva, QR Bilim jáne ǵylym ministri Ashat Aimaǵambetov, QR Mádeniet jáne sport ministri Aqtoty Raiymqulova atqarylǵan jumystar jóninde baiandady.
Is-shara barysynda jastardyń «Rýhani jańǵyrý» baǵdarlamasyn odan ári damytýǵa bailanysty jańa bastamalary týraly Ál-Farabi atyndaǵy Qazaq ulttyq ýniversitetiniń rektory Ǵalymqaiyr Mutanov pen QR Prezidenti janyndaǵy Ulttyq qoǵamdyq senim keńesiniń múshesi, saiasattanýshy Erlan Sairovtyń usynystary da talqylandy.
«Rýhani jańǵyrý» baǵdarlamasyn iske asyrý jónindegi 2020 jylǵa arnalǵan is-sharalar josparynyń oryndalýy da talqylandy. Álemdik pandemiia men ekonomikalyq daǵdarys kóptegen sharalar men jobalardyń júzege asýyna shek qoidy, kedergi boldy, basym kópshiligin aldaǵy kúnderge jyljytýǵa týra keldi. Sondyqtan keibir sharalardyń kontseptsiiasy qaita qaraldy.
Baǵdarlama aiasynda elimizdiń rýhaniiaty men tarihyn, ádebieti men mádenietin, bilimi men ǵylymyn tereńdetý, tanytý, zertteý baǵyttary boiynsha jumystar keńinen jalǵasýda.
Komissiia otyrysynda Memlekettik hatshy Qyrymbek Kósherbaev «Tuńǵysh Prezidentimiz – Elbasy Nursultan Ábishuly Nazarbaev «Jańǵyrý eldiń ulttyq-rýhani tamyrynan nár ala almasa, ol adasýǵa bastaidy. Rýhani jańǵyrý ulttyq sananyń túrli poliýsterin qiynnan qiystyryp, jarastyra alatyn qudiretimen mańyzdy» dep atap ótse, Memleket basshysy Qasym-Jomart Kemeluly Toqaev biylǵy halyqqa Joldaýynda: «Qazirgi mindet – halqymyzdyń jańa bolmysyn qalyptastyrý, tutas ult sapasyn arttyrý. Qazaq qoǵamynda jańa qaǵidattar jáne jańa baǵdarlar saltanat qurýǵa tiis» ekenin airyqsha aitty. Iaǵni, ulttyq sanany jańǵyrtýdaǵy osy saiasi sabaqtastyqty negizge ala otyryp, biz rýhani jańǵyrýdyń ulttyq jańǵyrýǵa ulasýyna barynsha kúsh-jigerimizdi salyp, ultymyzdy jańa sapalyq deńgeige kóterýge qyzmet etýimiz kerek» dep atap ótti.
Osyǵan orai, Komissiiada «Rýhani jańǵyrý» baǵdarlamasyn odan ári tereńdetip Ulttyq jańǵyrý kezeńine ótkizýdiń arnaiy Jol kartasyn jasaý qajet degen sheshim qabyldandy. Bul qujat asa mańyzdy ulttyq joba retinde júrgiziledi.
Ulttyq jańǵyrý jobasynyń eń basty máni – Ulttyń básekege qabilettiligin arttyrý. Bul – ulttyq jańǵyrýdyń strategiialyq maqsaty bolyp qalady.
Jol kartasynda Memlekettik til mártebesin arttyrý, Joǵary ulttyq jáne jalpyadamzattyq qundylyqtar negizinde rýhani-adamgershilik jáne patriottyq tárbie berý, Eńbek adamyn qalyptastyrý, Aýyldy túletý siiaqty t.b keshendi is-sharalar qamtylady.
Memlekettik hatshy otyrysty qorytyndylai kele, memlekettik jáne atqarýshy organdarǵa «Rýhani jańǵyrý» baǵdarlamasynyń basym baǵyttary boiynsha jumysty odan ári jandandyrý jóninde naqty tapsyrmalar berdi.
