QR Ulttyq qaýipsizdik komiteti «E-Litsenziialaý» memlekettik derekter bazasyndaǵy málimetterdi zańsyz túrlendirýge qatysy bar adamdardyń áreketin áshkereledi, dep habarlaidy "Ult aqparat".
Atap aitqanda, Ulttyq qaýipsizdik komiteti «E-Litsenziialaý» memlekettik bazadaǵy málimetterdi (Qazaqstannyń aqparattyq-kommýnikatsiialyq infraqurylymynyń asa mańyzdy nysany) túrlendirý jolymen zańsyz litsenziialar berýdiń qylmystyq shemasyn uiymdastyrǵan adamdar áreketiniń jolyn kesken.
Qylmystyq áreket belgilerin «Qazaqstannyń Kiberqalqany» júiesi sheńberinde qurylǵan «Ulttyq aqparattyq tehnologiialar» AQ jedel aqparattyq qaýipsizdik ortalyǵy tirkegen.
«Jedel-izdestirý is-sharalaryn UQK qyzmetkerlerimen birge «Memlekettik tehnikalyq qyzmet» RMK jáne «Ulttyq aqparattyq tehnologiialar» AQ-nyń tehnikalyq mamandary birlesip júrgizdi. Keshendi kompiýterlik-tehnikalyq saraptamanyń nátijesi boiynsha «E-Litsenziialaý» memlekettik derekter bazasyndaǵy málimetterdi túrlendirýge qatysty kúdikti adamdardyń kinási tolyq dáleldendi», - dep habarlaidy UQK-dan.
2020 jyldyń 10 aqpanynda Nur-Sultan qalasy Esil aýdandyq sotynyń sheshimimen sottalýshylar Qylmystyq kodekstiń 206-baby 2-bóligi 1-tarmaǵy (Aqparatty quqyqqa syiymsyz joiý nemese túrlendirý) boiynsha kináli dep tanylyp, árqaisysy 1 jyl merzimge bas bostandyǵyn shekteý túrinde jazalanǵan. Sondai-aq aqparattyq-kommýnikatsiialyq infraqurylymǵa bailanysty kvazimemlekettik sektor sýbektilerinde laýazym ielený quqyǵynan 2 jylǵa aiyryldy.
Úkim zańdy kúshine endi.
