Búgin Úkimet otyrysynda QR Qarjy ministri Erulan Jamaýbaev biylǵy qańtardaǵy memlekettik biýdjettiń atqarylý kórsetkishteri men qarjylyq jaǵdaidy baiandady, dep habarlaidy QazAqparat.
«Memlekettik biýdjetke 526 mlrd teńge somasynda kiris tústi nemese jospar 116,1 paiyzǵa atqaryldy. Respýblikalyq biýdjetke 288 mlrd teńge somasynda kiris tústi nemese jospar 90 paiyzǵa atqaryldy. Kirister boiynsha jospar 32 mlrd teńgege oryndalmady», - dedi ministr.
Onyń aitýynsha, salyqtar boiynsha oryndalmaýdyń negizgi somasy qosylǵan qun salyǵyna jáne korporativtik tabys salyǵyna tiesili.
Qosylǵan qun salyǵy boiynsha jospardy oryndalmaý sebepteri:
- 2020 jylǵy qańtarmen salystyrǵanda qosylǵan qun salyǵy qaitarylýynyń 2,3 esege ósýi;
- «Elektrondyq shot-faktýralar» aqparattyq júiesi derekterine sáikes, satý boiynsha ainalymdardyń 14 paiyzǵa azaiýy. Negizgi tómendeý taý-ken óndirý ónerkásibi salasyna tiesili, onda ainalymdar ótken jylǵy qańtarmen salystyrǵanda 29 paiyzǵa nemese 373 mlrd teńgege azaiǵan;
- 2020 jylǵy qańtarmen salystyrǵanda Qazaqstan Respýblikasynyń úshinshi eldermen taýar ainalymy 22 paiyzǵa tómendeýi.
«Korporativtik tabys salyǵy boiynsha jospardyń oryndalmaýy 2021 jylǵy qańtarda 743 iri salyq tóleýshi boiynsha málimdelgen avanstyq tólemder somasynyń ótken jyldyń uqsas kezeńimen salystyrǵanda 38,1 paiyzǵa azaiýyna bailanysty», - dedi E. Jamaýbaev.
Onyń sózine qaraǵanda, jergilikti biýdjetterdiń kiristeri 178,6 paiyzǵa atqaryldy jáne 239 mlrd teńgeni qurady. Jalpy jospar 105 mlrd teńgege, onyń ishinde salyqtar boiynsha 90 mlrd teńgege asyra oryndaldy.
Barlyq óńirlerde kirister boiynsha josparlar asyra oryndaldy.
