بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ بيىلعى قاڭتارداعى مەملەكەتتٸك بيۋدجەتتٸڭ اتقارىلۋ كٶرسەتكٸشتەرٸ مەن قارجىلىق جاعدايدى باياندادى, دەپ حابارلايدى قازاقپارات.
«مەملەكەتتٸك بيۋدجەتكە 526 ملرد تەڭگە سوماسىندا كٸرٸس تٷستٸ نەمەسە جوسپار 116,1 پايىزعا اتقارىلدى. رەسپۋبليكالىق بيۋدجەتكە 288 ملرد تەڭگە سوماسىندا كٸرٸس تٷستٸ نەمەسە جوسپار 90 پايىزعا اتقارىلدى. كٸرٸستەر بويىنشا جوسپار 32 ملرد تەڭگەگە ورىندالمادى», - دەدٸ مينيستر.
ونىڭ ايتۋىنشا, سالىقتار بويىنشا ورىندالماۋدىڭ نەگٸزگٸ سوماسى قوسىلعان قۇن سالىعىنا جەنە كورپوراتيۆتٸك تابىس سالىعىنا تيەسٸلٸ.
قوسىلعان قۇن سالىعى بويىنشا جوسپاردى ورىندالماۋ سەبەپتەرٸ:
- 2020 جىلعى قاڭتارمەن سالىستىرعاندا قوسىلعان قۇن سالىعى قايتارىلۋىنىڭ 2,3 ەسەگە ٶسۋٸ;
- «ەلەكتروندىق شوت-فاكتۋرالار» اقپاراتتىق جٷيەسٸ دەرەكتەرٸنە سەيكەس, ساتۋ بويىنشا اينالىمداردىڭ 14 پايىزعا ازايۋى. نەگٸزگٸ تٶمەندەۋ تاۋ-كەن ٶندٸرۋ ٶنەركەسٸبٸ سالاسىنا تيەسٸلٸ, وندا اينالىمدار ٶتكەن جىلعى قاڭتارمەن سالىستىرعاندا 29 پايىزعا نەمەسە 373 ملرد تەڭگەگە ازايعان;
- 2020 جىلعى قاڭتارمەن سالىستىرعاندا قازاقستان رەسپۋبليكاسىنىڭ ٷشٸنشٸ ەلدەرمەن تاۋار اينالىمى 22 پايىزعا تٶمەندەۋٸ.
«كورپوراتيۆتٸك تابىس سالىعى بويىنشا جوسپاردىڭ ورىندالماۋى 2021 جىلعى قاڭتاردا 743 ٸرٸ سالىق تٶلەۋشٸ بويىنشا مەلٸمدەلگەن اۆانستىق تٶلەمدەر سوماسىنىڭ ٶتكەن جىلدىڭ ۇقساس كەزەڭٸمەن سالىستىرعاندا 38,1 پايىزعا ازايۋىنا بايلانىستى», - دەدٸ ە. جاماۋباەۆ.
ونىڭ سٶزٸنە قاراعاندا, جەرگٸلٸكتٸ بيۋدجەتتەردٸڭ كٸرٸستەرٸ 178,6 پايىزعا اتقارىلدى جەنە 239 ملرد تەڭگەنٸ قۇرادى. جالپى جوسپار 105 ملرد تەڭگەگە, ونىڭ ٸشٸندە سالىقتار بويىنشا 90 ملرد تەڭگەگە اسىرا ورىندالدى.
بارلىق ٶڭٸرلەردە كٸرٸستەر بويىنشا جوسپارلار اسىرا ورىندالدى.
