QR Úkimeti Aqparat salasyn damytýdyń 2020 – 2022 jyldarǵa arnalǵan ulttyq josparyn bekitti. Oǵan sáikes birqatar memlekettik buqaralyq aqparat quraly ońtailandyrý sharalarymen qamtylady, dep habarlaidy "Ult aqparat".
Bul turǵyda «Egemen Qazaqstan» AQ, «Kazahstanskaia pravda» AQ, «Habar» AQ, «Qazaqstan» RTRK» AQ , «Qazmediaortalyǵy» JShS, «Qazteleradio» AQ eskerilgen.
Qazaqstan Respýblikasy Úkimetiniń 2020 jylǵy 7 sáýirdegi № 183 qaýlysy.
Qazaqstan Respýblikasynyń Úkimeti QAÝLY ETEDI:
1. Qosa berilip otyrǵan Aqparat salasyn damytýdyń 2020 – 2022 jyldarǵa arnalǵan ulttyq jospary (budan ári – Ulttyq jospar) bekitilsin.
2. Ulttyq jospardy oryndaýǵa jaýapty ortalyq memlekettik jáne jergilikti atqarýshy organdar: 1) Ulttyq jospardy iske asyrý boiynsha qajetti sharalardy qabyldasyn; 2) jylyna eki ret, esepti jyldan keiingi 10 qańtardan jáne 10 shildeden keshiktirmei Qazaqstan Respýblikasynyń Aqparat jáne qoǵamdyq damý ministrligine Aqparat salasyn damytý jónindegi 2020 – 2022 jyldarǵa arnalǵan is-sharalar josparynyń oryndalý barysy týraly aqparat bersin.
3. QR Aqparat jáne qoǵamdyq damý ministrligi esepti jyldan keiingi 25 qańtardan jáne 25 shildeden keshiktirmei QR Premer-Ministriniń Keńsesine jáne QR Prezidentiniń Ákimshiligine Ulttyq jospar is-sharalarynyń iske asyrylý barysy týraly jiyntyq aqparat bersin.
4. Osy qaýlynyń oryndalýyn baqylaý QR Aqparat jáne qoǵamdyq damý ministrligine júktelsin.
5. Osy qaýly qol qoiylǵan kúninen bastap qoldanysqa engiziledi.
QR Premer-Ministri A. Mamin
Otandyq BAQ-tyń básekege qabilettiligin arttyrý úshin BAQ-ty memlekettik qoldaý tásilderin qaita qaraý kózdelgen. Osyǵan bailanysty, jańalyqtar materialdaryn óndirýge memlekettik aqparattyq tapsyrystan qarajat bólýdi alyp tastaýdy qaraý qajettigi, sol arqyly olardy áleýmettik mańyzy bar taqyryptardy jariia etýge baǵyttaý kerektigi atap ótilgen.
Osy sharany Internette, merzimdi baspasóz basylymdarynda memlekettik aqparattyq saiasatty júrgizý sheńberinde júzege asyrýǵa bolady.
«Sonymen qatar, baspa BAQ-ta taldamalyq kontentke basa nazar aýdarýdy kózdeý qajet. Jańalyqtar materialdaryn internet-resýrstarynyń jariialaý jedeldigi siiaqty obektivti sebepterge bailanysty baspa BAQ-tardyń jýrnalistik zertteýlerdi, sholý materialdaryn, saraptamalyq maqalalardy jáne basqalardy qosa alǵanda, taldamalyq kontenttiń ornyn ielengeni jón», - delingen josparda. http://adilet.zan.kz/kaz/docs/P2000000183
Sondai-aq, aqparat salasynda kvazimemlekettik sektor sýbektilerin ońtailandyrý júrgiziledi.
«Búginde mediaholdingter kóptegen mindetterdi sheshýge múmkindik beredi jáne uiymdyq qyzmetti ortalyqtandyrýdy, máselelerdi jedel qarjylyq-ekonomikalyq sheshý múmkindigin, shyǵyndardy ońtailandyrýdy, onyń ishinde ákimshilik-tehnikalyq personalǵa únemdeýdi qosa alǵanda, birqatar artyqshylyqtarǵa ie. Mediaholdingterdi qurý uiymnyń shyǵarmashylyq áleýetine nazar aýdarýǵa múmkindik beredi», - delingen qujatta.
Osy oraida onlain jáne baspa BAQ salasynda jeke mediaholdingter qurý naryq suranystaryna ikemdi den qoiýǵa, sapaly básekeles ónim usynýǵa, sondai-aq olardy qamtamasyz etýge arnalǵan biýdjet qarajatyn únemdeýge múmkindik beretindigi atalyp ótken.
Munymen qosa, biryńǵai materialdyq-tehnikalyq baza qurylady.
«Materialdyq-tehnikalyq jabdyqtardy ergonomikalyq paidalanýdy, sondai-aq biýdjet qarajatyn únemdeýdi uiymdastyrý úshin memlekettik telearnalarǵa arnalǵan biryńǵai materialdyq-tehnikalyq baza qurýdyń tiimdiligin zerdeleý usynylady. Óz jabdyqtarynan basqa telearnalar osy bazanyń resýrstaryn paidalana alady, bul olardyń kontent daiyndaýdaǵy múmkindikterin keńeitedi», - dep jazylǵan josparda.
Osy shara memlekettik telearnalardyń materialdyq-tehnikalyq bazasyn jańartýdy da kózdeidi.
Budan bólek, blogerlerdiń quqyqtyq mártebesin aiqyndaý máselesine nazar aýdarylǵan.
«Internet jelisin damytý jýrnalistikanyń, onyń ishinde azamattyq jýrnalistikanyń jańa túrlerin damytýǵa yqpal etedi. Búginde áleýmettik jeliler men ártúrli jelilik platformalar aýditoriiasynyń ósýiniń arqasynda blogerler máselelerdiń aýqymdy spektri jóninde aýditoriianyń habardar bolýyna jáne jalpy qoǵamdyq pikirge aitarlyqtai áser etedi. Blogerlerdiń qyzmetin quqyqtyq retteý maqsatynda kóptegen elder birqatar halyqaralyq qujattardy basshylyqqa alady.
Mysaly, Azamattyq jáne saiasi quqyqtar týraly halyqaralyq paktiniń №34 jalpy tártiptegi eskertýinde Birikken Ulttar Uiymynyń Adam quqyqtary jónindegi komiteti blogerlerdiń qyzmetin jýrnalistika nysanyna teńestiredi: «jýrnalistik fýnktsiialardy adamdardyń aýqymdy toby, onyń ishinde kásipqoi shtattyq reporterler men taldaýshylar, blogerler jáne baspa basylymdarynda, Internette nemese basqa da jerlerde jariialanatyn basqa da adamdar atqarady. Osylaisha, halyqaralyq tájiribeni eskere otyryp, eriktilik qaǵidatyna negizdelgen otandyq blogerlerdiń qyzmetin quqyqtyq qamtamasyz etken jón», - dep atalyp ótken josparda.
Atalǵan shara blogerlerdi memlekettik jáne halyqaralyq uiymdarda akkreditteý quqyǵyn qosa alǵanda, quqyqtarmen jáne jýrnalister jumysynyń ómirlik mańyzy bar bóligi bolyp sanalatyn qorǵaýmen (tótenshe jaǵdailardy joiý, qarýly arnaiy operatsiialardy jariia etý kezindegi tanym belgileri jáne basqalar) qamtamasyz ete alady.
