.jpg)
Foto: Pexels.com
Astana qalasynyń prokýratýry 1 mlrd teńgeden astam somaǵa alaiaqtyq jasaǵany úshin kináli tulǵalar sottalǵanyn málimdedi, dep habarlaidy Ult.kz.
Birneshe jyl boiy memlekettik baǵdarlama atyn jamylyp áreket etken eki tanys alaiaqtyq shemasyn jasaǵan.
Olar keńseni jalǵa alyp, jumys istep turǵan JShS-nyń derektemelerin paidalanyp, azamattardy jeńildetilgen sharttarmen Astana men Almaty qalalarynda ornalasqan joǵary sanatty turǵyn úi alý, sondai-aq memlekettik baǵdarlama aiasynda nesie men qaryz rásimdeýge ýáde berip, jalǵan kelisimsharttar jasasý arqyly jańylystyrǵan.
Olardyń áreketteri nátijesinde 150 jábirlenýshige 1 mlrd teńgeden astam shyǵyn keltirilgen.
Sot úkimimen sottalýshylardyń kámelet jasqa tolmaǵan balalarynyń bolýyn, shyǵyndy jartylai óteýi jeńildetetin mán-jai retinde tanylyp jáne aýyrlatatyn mán-jailardyń bolmaýy eskerilip, olardyń árqaisysyna 6 jyl 8 ai merzimge bas bostandyǵynan aiyrý jazasy taǵaiyndalyp, 5 jyl merzimge materialdyq jaýapty jáne basshylyq qyzmetter atqarý quqyǵynan aiyryldy.
Keltirilgen materialdyq zalal sottalǵandardan óndirildi.
Úkim zańdy kúshine endi.
Astana qalasynyń prokýratýrasy belgili bir qyzmetterdi kórsetý quqyǵyn rastaityn qujattary joq adamdarmen nesieleý jáne turǵyn úi alý salasynda mámileler jasaýdan bas tartýǵa keńes beredi.
