Memlekettik satyp alý boiynsha aýdit qyzmetkerleri de qylmyspen ustalǵan. Bul týraly QR Sybailas jemqorlyqqa qarsy is-qimyl agenttigi tóraǵasynyń orynbasary Ulan Sarqulov aityp berdi, dep habarlaidy QazAqparat.
«Memlekettik satyp alýdaǵy qylmystar negizinen qurylys, densaýlyq saqtaý, bilim berý jáne mádeniet salalarynda jasalady. Máselen, Qyzylorda oblysynda mádeniet basqarmasynyń basshysy bolǵan Ábýova Jalańtós Bahadúr eskertkishin salýǵa kedergisiz qarajat aýdarǵany úshin 1 mln teńge para alǵan. Biyl Shyǵys Qazaqstan oblysy Borodýliha aýdany ákiminiń orynbasary Balyqbaev 3 jylǵa bas bostandyǵynan aiyryldy. Ol joldar men sý ótkizý qubyrlaryn jóndeý boiynsha memlekettik satyp alý sharttaryn jasaǵany úshin kásipkerden 1,8 mln teńge (10%) qaitarym alǵan», - dedi Sarqulov Ortalyq kommýnikatsiialar qyzmetinde ótken baspasóz máslihatynda.
Sonymen birge ótken jyly agenttik Atyraý oblysy ákiminiń orynbasary B. Hamenovany áshkerelegen, ol qalada Abaiǵa eskertkish ornatý úshin 4,5 mln teńge para aldy dep kúdiktelýde.
«Qarjylyq baqylaý organdarynyń da sybailas jemqorlyǵyn atap ótý kerek. Sońǵy 2 jylda agenttik ishki memlekettik aýdittiń laýazymdy tulǵalaryna qatysty 27 qylmysty tirkedi. Olar ádette, memlekettik satyp alý konkýrstarynyń qorytyndylaryn qaita qaraý úshin para alyp kelgen. Mysaly, ishki memlekettik aýdit mamandarynyń ózderi shaǵym uiymdastyrǵan. Sodan keiin qaitadan ózderiniń paidakúnemdik maqsatynda tekserý júrgizgen. Máselen, ótken jyly bir ǵana JShS-dan osyndai 1600 shaǵym túsip, onyń 900-i qanaǵattandyrylǵan. Al basqa naqty, shynaiy ótinishter elenbegen», - dedi Sarqulov.
