Qazaqstandyq shahmatshy Bibisara Asaýbaevanyń anasy Liana Hakim sportshynyń memleketten milliondaǵan qarjy alatyny týraly pikirlerge jaýap berdi. Onyń aitýynsha, qyzyna biýdjetten ai saiyn 320 myń teńge ǵana tólenedi, al álem chempionatyndaǵy jeńisi úshin berilgen syiaqy 2,3 myń dollardy quraǵan, dep habarlaidy ult.kz.
Qazaqstandyq shahmatshy Bibisara Asaýbaevanyń anasy Liana Hakim sportshynyń memleketten milliondaǵan qarjy alatyny týraly pikirlerge jaýap berdi. Onyń aitýynsha, qyzyna biýdjetten ai saiyn 320 myń teńge ǵana tólenedi, al álem chempionatyndaǵy jeńisi úshin berilgen syiaqy 2,3 myń dollardy quraǵan.
Liana Hakim Instagram paraqshasynda qoǵamda qalyptasqan qate túsinikke toqtalyp, Sport Qory qory men Shahmat federatsiiasynan bólinetin qarajattyń biýdjet aqshasy emes ekenin aitty. Onyń sózinshe, bul qarajat komandanyń jumysyna jumsalady, al jarystardan túsken júlde men syiaqy – sportshynyń adal eńbegimen tapqan tabysy.
Sondai-aq ol ózderiniń de basqa azamattar sekildi salyq tóleitinin aityp, memlekettik qarjylandyrý men jeke qarajatty shatastyrmaýǵa shaqyrdy.
Eske salaiyq, buǵan deiin Bibisara Asaýbaeva Prezident Qasym-Jomart Toqaevqa videoúndeý joldap, qarjylyq qiyndyqtarǵa tap bolǵanyn málimdegen edi. Shahmatshy Norway Chess 2026 týrnirine daiyndyqty óz qarajaty men ata-anasynyń kómegi arqyly ótkizgenin, al bapkerleri men sarapshylarynyń eńbekaqysyn áli kúnge deiin tolyq tólei almaǵanyn aitqan bolatyn.
