QR "Turǵyn úi qatynastary týraly" Zańǵa sáikes, Memlekettik turǵyn úi qorynan ózderi turatyn turǵyn úilerdi menshigine tegin alýǵa bolatyn azamattardyń 10 toby qarastyrylǵan, dep habarlaidy Sputnik Elorda Aqparat portalyna silteme jasap.
Baspanany menshigine tegin alýǵa bolatyn turǵyndar tizimine:
- Uly Otan soǵysynyń múgedekteri men qatysýshylary engen. Uly Otan soǵysynyń múgedegi nemese qatysýshysy qaitys bolǵan jaǵdaida, baspanany tegin alý quqyǵy onyń otbasy múshelerine ótedi;
- 1 jáne 2-toptaǵy múgedekter;
- Chernobyl atom elektr stantsiiasyndaǵy apattyń, basqa da radiatsiialyq apattar men azamattyq nemese áskeri maqsattaǵy nysandarda apat saldaryn joiýǵa qatysqandar;
- Semei iadrolyq synaq poligonyndaǵy iadrolyq synaqtardyń saldarynan zardap shekkender;
- KSRO-ny qorǵaý kezinde, áskeri mindetterin oryndaý kezinde nemese maidanda bolýǵa bailanysty syrqattanǵandar, sondai-aq Aýǵanstanda nemese urys qimyldary júrgizilgen basqa da memleketterde áskeri qyzmetin ótkerý kezinde jaralanyp, kontýziia alý saldarynan múgedek bolǵan áskeri qyzmetshiler;
- Aral mańyndaǵy ekologiialyq qasiret saldarynan zardap shekken azamattar;
- kúntizbemen eseptegende jiyrma jáne odan da kóp jyl eńbek etken áskeri qyzmetshiler (qyzmetten shyǵarylǵan áskeri qyzmetshilerdi jáne qyzmetkerlerdi qospaǵanda), sondai-aq arnaýly memlekettik organdardyń qyzmetkerleri;
- ǵaryshkerlikke kandidattar, ǵaryshkerler quqyly. Turǵyn úi berilgen ǵaryshkerlikke kandidat nemese ǵaryshker qaza tapqan (qaitys bolǵan) jaǵdaida, baspanany óteýsiz alý quqyǵy onyń muragerlerine aýysady;
- saiasi qýǵyn-súrginder qurbandary, sondai-aq "Jappai saiasi qýǵyn-súrginder qurbandaryn aqtaý týraly" Zańǵa sáikes aqtalǵan, múgedektigi bar adamdar;
- qyzmetin atqarý kezinde qaitys bolǵan áskerilerdiń otbasy músheleri engen.
Memlekettiń turǵyn úi qoryndaǵy baspanany tegin alatyn azamattar QR "Turǵyn úi qatynastary týraly" Zańynyń 13-babynda kórsetilgen.
