Qyzylorda oblystyq meditsina ortalyǵynyń bas esepshisi Oksana Ońǵarova QR Qylmystyq Kodeksiniń 176-baby 4 «b» bólimimen (1997 jylǵy redaktsiia) 5 jylǵa sottaldy.
Sonymen qatar onyń múlki tárkilenip, qarjyǵa ielik etý salasyndaǵy qyzmetti 5 jylǵa deiin atqarýǵa tyiym salyndy. Al onyń sybailasy Gúlnár Ótebalieva QR QK 28-baby 5-bólimimen, 176-baby 4-bólimimen (1997 jylǵy redaktsiia) 7 jylǵa bas bostandyǵynan aiyrylyp, múlki tárkilendi. Oǵan da 3 jylǵa deiin qarjyǵa ielik etý salasyndaǵy qyzmetti atqarýǵa tyiym salyndy. Ol jazasyn jalpy rejimdegi koloniiada óteitin bolady, dep habarlaidy QazAqparat tilshisi.
Tergeý kezinde O. Ońǵarova ózine senip berilgen bótenniń múlkin talan-tarajǵa salý nietimen týǵan ápkesi G.Ótebalievamen birlese otyryp memleket biýdjetinen bólingen qarjyny asa iri mólsherde jymqyrǵany anyqtaldy.
Ol ózara jasalǵan kelisim men aiǵaqtaityn qujattardyń joqtyǵyna qaramastan 2011-2012 jyldar aralyǵynda «Alians bank» AQ filialyndaǵy «Internet Banking» elektrondy baǵdarlamasy arqyly OMO esepshotynan «Ýmbetbaeva A.» JK esepshotyna jalpy somasy 20 082 300 teńge aýdarǵan. Al 2012-2014 jyldary dál osyndai jolmen «Barahatova G.» JK esepshotyna 36 697 600, «Iskakov F.» JK shotyna 37 625 000, «Ýtebalieva D.» JK esepshotyna 14 390 000 teńge jibergen.
Al G.Ótebalieva bolsa óz tanystary A.Úmbetbaevany, G.Barahatovany, F.Ysqaqovty jáne M.Úmbetbaevty jeke kásipker retinde tirkep, ekinshi deńgeili bankterden olardyń esep shottaryn ashqan. Solardyń senimhaty negizinde esepshotqa túsken milliondardy qolma-qol aqshaǵa ainaldyryp otyrǵan.
2015-2016 jyldary da O.Ońǵarova «Forte Bank» AQ filialynyń «Internet Banking» baǵdarlamasy arqyly úsh esepshotqa jalpy kólemi 44 294 577 teńgeni aýdaryp jibergen.
O. Ońǵarova sotta óz aiybyn tolyq moiyndap, aqshany óz keregine jumsaǵanyn aityp berdi.
Jalpy onyń bul áreketinen memleketke 153 089 177 teńge zalal kelgeni anyqtaldy.
«Qyzylorda oblysynyń densaýlyq saqtaý» MM tarapynan O. Ońǵarova men G. Ótebalievadan memleket paidasyna 107 294 600 teńge óndirip alý jónindegi talap aryzy tolyq qanaǵattandyryldy.
Qyzylordadaǵy №2 sottyń 2017 jylǵy 13 naýryzdaǵy úkimi zańdy kúshine endi.
