Foto: pixabay.com
QMA Qaraǵandy oblysy boiynsha departamenti jumystardy naqty oryndamai, qyzmet kórsetpei jáne taýarlardy tiep-jóneltpei shot-faktýralardy jazyp berý faktisi boiynsha sotqa deiingi is júrgizýdi aiaqtady, - dep habarlaidy "Ult aqparat" Qarjylyq monitoring agenttigine silteme jasap.
QMA málimetinshe, halyq tutynatyn taýarlardy satýmen ainalysatyn jeke kásip iesi onyń atynan «TehnologiiaGorMash» jáne «TD SnabServis» JShS atyna 2019 jyldyń sáýiri men 2020 jyldyń qarasha aiy aralyǵynda taý-ken-shahta jabdyqtaryna arnalǵan qosalqy bólshekterge shot-faktýralar jazǵany anyqtaldy, biraq is júzinde bul taýarlarǵa jetkizýshileri bolmaǵan.
"Qylmystyq áreketterdiń nátijesinde memleketke jalpy somasy 109 million teńgege jýyq iri zalal keltirildi.
Sot úkimimen kásipker kináli dep tanylyp, oǵan kommertsiialyq uiymdarda ákimshilik-ókimdik fýnktsiialarmen bailanysty laýazymdardy 5 jyl merzimge atqarý quqyǵynan aiyra otyryp, 3,5 jyl merzimge shartty túrde bas bostandyǵynan aiyrý túrindegi jaza taǵaiyndaldy", - delingen habarlamada.
