Resei Federatsiiasynyń 58 jastaǵy azamaty «Migrant» jedel aldyn alý sharasy barysynda ustaldy, dep habarlaidy "Ult aqparat".
Kúdikti 2006 jyly telefon arqyly zorlyq-zombylyq kórsetem dep qorqytyp, Resei azamatynan úlken mólsherde aqsha talap etken.
Nur-Sultan qalalyq politsiia departamenti baspasóz qyzmetiniń málimetinshe, Omby oblysynyń IIB osy derek boiynsha RF QK 330-babymen qylmystyq is qozǵaǵan.
2019 jyldyń 28 aqpanynan bastap bul azamatqa memleketaralyq izdeý jariialandy.
Elorda kósheleri men qoǵamdyq oryndarynda tiisti quqyqtyq tártipti qamtamasyz etý, elorda aýmaǵynda zańsyz kóshi-qondy anyqtaý jáne jolyn kesý maqsatynda 1-5 aqpan aralyǵynda «Migrant» jedel-aldyn alý sharasy ótkizildi.
Politsiia qyzmetkerleri shetel azamattary zańsyz júrýi múmkin oryndardy, qurylys nysandaryn, adam kóp jinalatyn jerlerdi tekserip jatyr.
Shara bastalǵannan beri sheteldik azamattardyń Qazaqstanda júrip-turý erejesin buzýdyń 150-den astam faktisi anyqtaldy, halyqaralyq izdeýde júrgen úsh sheteldik azamat ustaldy.
