Sarapshylar zań shyǵarýshy jáne jergilikti atqarýshy organdardyń qyzmetine jastardyń belsendi qatysýyn yntalandyrýǵa baǵyttalǵan zańnamalyq bastamalardy qoldaý retinde óz oilaryn bildirdi, dep habarlaidy QazAqparat.
Birqatar qazaqstandyq sarapshylar jastardyń saiasi jáne zańnamalyq protsesterge qatysýynyń mańyzdylyǵyn atap ótti
Almaty qalasynyń Áielder isteri jáne otbasylyq-demografiialyq saiasat jónindegi komissiia múshesi Farida Jylqybaevanyń aitýynsha, Zańǵa engizilgen sońǵy túzetýlerdiń arqasynda sailaýǵa kóptegen jastar men áielder qatysýda.
«Búkil el boiynsha sailaýǵa kóptegen jastar men áielder qatysady jáne buǵan deiin kóterilmegen kóptegen máseleler tiisti ba», - dedi ol.
A. Syzǵanov atyndaǵy «Ulttyq ǵylymi hirýrgiia ortalyǵy» direktorlar keńesiniń tóraiymy jáne áielder isteri jáne otbasylyq-demografiialyq saiasat jónindegi komissiianyń múshesi Tursynkúl Botabekova Prezident engizgen túzetýlerdiń ózektiligin atap ótti.
«Bizdiń jasap jatqanymyzdyń bári keleshek jas urpaqtyń igiligi úshin. Óitkeni, olar bizdiń tájiribemizdiń, bilimimizdiń, danalyǵymyzdyń tasymaldaýshylary, sonymen birge olar kreativti, saýatty, talantty, ásirese tsifrlyq tehnologiialar salasynda bilgenderi kóp, ózderin qamtamasyz ete alatyn deńgeide. Sondyqtan ǵalym, kásibi muǵalim jáne tálimger, densaýlyq saqtaý salasynyń uiymdastyrýshysy, 42 jyldyq tájiribesi bar dáriger bul túzetýlerdiń ýaqtyly, ózekti jáne suranysqa ie ekendigine senimdimin», - dedi T.Botabekova.
Qazaq qyzdar pedagogikalyq ýniversitetiniń quqyq jáne basqarý negizderi kafedrasynyń dotsenti, tarih ǵylymdarynyń kandidaty Aqmaral Qojabekova da osy túzetýdi qoldady.
«Jastarǵa jol» qaǵidatyn ustanǵannan keiin, men basqarý organdarynda jastardy kóbirek kórgim keledi. Jastar — jańa úrdister, jańa maqsattar men mindetter, olardy sheshýdiń jańa tásilderi», - dedi A.Qojabekova.
Eske salaiyq, 2020 jylǵy 25 mamyrda QR Prezidenti Qasym-Jomart Toqaev saiasi qatynastar salasyn retteitin zańnamany jetildirý maqsatynda birqatar zańdarǵa qol qoidy. Atap aitqanda, saiasi reformalar paketin iske asyrý sheńberinde saiasi partiialar týraly jáne sailaý týraly zańnamaǵa ózgerister engizildi.
«Qazaqstan Respýblikasyndaǵy sailaý týraly» Zańǵa engizilgen túzetýlerde árbir saiasi partiia sailaýǵa qatysý úshin partiialyq tizimdi qalyptastyrý kezinde áielder men 29 jasqa deiingi jas adamdar úshin arnaiy 30% kvota bólýge mindetti. Jalpy, qabyldanǵan zańdar kóppartiialyqty, pliýralizmdi damytýǵa, ártúrli ataýly toptardyń saiasi qatysýyn keńeitýge baǵyttalǵan.
