2021 jyldyń 1 qyrkúiegine deiin memleket shekarasyndaǵy zańsyz saýda ainalymyna qarsy kedendik ákimshilendirýdi jaqsartýdy kózdeitin Keshendi baǵdarlama ázirlenedi. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Offshorlyq iýrisdiktsiialarǵa tranzaktsiialar boiynsha offshorlyq alymdy engizýdi qamtamasyz etý úshin ýákiletti organmen birlesip zańnamaǵa qajetti túzetýler pysyqtalýda. Osy jyldyń 1 qyrkúiegine deiin memleket shekarasyndaǵy zańsyz saýda ainalymyna qarsy kedendik ákimshilendirýdi jaqsartýdy kózdeitin Keshendi baǵdarlama ázirlenetin bolady. Sonymen qatar, búgingi tańda 100 paiyz elektrondy kedendik deklaratsiialaý júzege asyryldy», - dedi ministr.
Sonymen qatar ol «Biryńǵai tereze» jáne «ASTANA-1» aqparattyń júiesi engizilgenin, Táýekelderdi basqarý júiesin paidalaný bastalǵanyn aitty.
«Qytai Halyq Respýblikasymen taýarlardyń eksporttyq deklaratsiialarynyń málimetterin onlain rejimde almasý júrgizilýde. Osyǵan uqsas jumystar basqa eldermen de júrgiziletin bolady. Arnaiy zaim sheńberinde 9 avto jáne 1 temir jol ótkizý pýnktin jańǵyrtý josparlanýda.
