«Talap» qoldanbaly zertteýler ortalyǵynyń direktory Rahym Oshaqbaev Qazaqstandaǵy tótenshe jaǵdai kezindegi áleýmettik qamqorlyq úshin jasalyp jatqan Prezidenttik qoldaýǵa qatysty pikir bildirdi, dep habarlaidy QazAqparat.
«Byltyr eldegi áleýmettik saiasat negizderine qatysty zertteýlerdi bastaǵan edik. Áleýmettik saiasat degenimiz – óte úlken sala ekenin birden aita ketkim keledi. Tiisinshe, bir dóńgelek ústeldegi talqylaý arqyly keshendi kózqarasty qalyptastyrý múmkin emes», - dedi Rahym Oshaqbaev onlain rejimdegi dóńgelek ústel barysynda.
Áleýmettik tólemder týraly aita kele spiker zertteýlerdiń birin «42 500 teńge úshin shaiqas» dep ataǵanyn alǵa tartady.
«Ózderińiz biletindei, 23 naýryzda Memleket basshysy elde tótenshe jaǵdaidyń jariialanýyna bailanysty tabysynan aiyrylyp qalǵan azamattarǵa 42 500 teńgeden áleýmettik tólem aýdarýdy tapsyrǵan edi. Jalpy memleket pen bilik qazirgi jaǵdaiǵa oily jaýap qatqanyn atap ótkimiz keledi. Sebebi karantin ýaqytynda kóp kásipkerdiń biznesi toqtap, adamdar tabysyn, jumysyn joǵaltty. Tiisinshe memleket osynaý kúrdeli kezeńde onyń saldaryn joiýǵa kómek qolyn sozýy tiis. Tapsyrma ýaqytynda, naqty berilip otyr», - deidi Rahym Oshaqbaev.
