«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ قازاقستانداعى تٶتەنشە جاعداي كەزٸندەگٸ ەلەۋمەتتٸك قامقورلىق ٷشٸن جاسالىپ جاتقان پرەزيدەنتتٸك قولداۋعا قاتىستى پٸكٸر بٸلدٸردٸ, دەپ حابارلايدى قازاقپارات.
«بىلتىر ەلدەگٸ ەلەۋمەتتٸك ساياسات نەگٸزدەرٸنە قاتىستى زەرتتەۋلەردٸ باستاعان ەدٸك. ەلەۋمەتتٸك ساياسات دەگەنٸمٸز – ٶتە ٷلكەن سالا ەكەنٸن بٸردەن ايتا كەتكٸم كەلەدٸ. تيٸسٸنشە, بٸر دٶڭگەلەك ٷستەلدەگٸ تالقىلاۋ ارقىلى كەشەندٸ كٶزقاراستى قالىپتاستىرۋ مٷمكٸن ەمەس», - دەدٸ راحىم وشاقباەۆ ونلاين رەجيمدەگٸ دٶڭگەلەك ٷستەل بارىسىندا.
ەلەۋمەتتٸك تٶلەمدەر تۋرالى ايتا كەلە سپيكەر زەرتتەۋلەردٸڭ بٸرٸن «42 500 تەڭگە ٷشٸن شايقاس» دەپ اتاعانىن العا تارتادى.
«ٶزدەرٸڭٸز بٸلەتٸندەي, 23 ناۋرىزدا مەملەكەت باسشىسى ەلدە تٶتەنشە جاعدايدىڭ جارييالانۋىنا بايلانىستى تابىسىنان ايىرىلىپ قالعان ازاماتتارعا 42 500 تەڭگەدەن ەلەۋمەتتٸك تٶلەم اۋدارۋدى تاپسىرعان ەدٸ. جالپى مەملەكەت پەن بيلٸك قازٸرگٸ جاعدايعا ويلى جاۋاپ قاتقانىن اتاپ ٶتكٸمٸز كەلەدٸ. سەبەبٸ كارانتين ۋاقىتىندا كٶپ كەسٸپكەردٸڭ بيزنەسٸ توقتاپ, ادامدار تابىسىن, جۇمىسىن جوعالتتى. تيٸسٸنشە مەملەكەت وسىناۋ كٷردەلٸ كەزەڭدە ونىڭ سالدارىن جويۋعا كٶمەك قولىن سوزۋى تيٸس. تاپسىرما ۋاقىتىندا, ناقتى بەرٸلٸپ وتىر», - دەيدٸ راحىم وشاقباەۆ.
