Elimiz damýynyń negizin qalaǵan Tuńǵysh Prezident - Elbasy Nursultan Nazarbaev. QR Kásipodaqtar federatsiiasynyń burynǵy tóraǵasy, qoǵam qairatkeri Ábilǵazy Qusaiynov osyndai pikir bildirdi, dep habarlaidy QazAqparat.
«Odaq ydyraǵannan jáne onjyldyq daǵdarystan keiin bári qulady, onyń ishinde adami resýrstar, kásiporyndardyń bankrottyǵy, jumyssyzdyq bar. Adamdar mamandyqtaryn ózgertti, 2000 jyldan bastap, alǵashqy onjyldyqta ekonomika óte belsendi ósti. Halyqtyń ál-aýqaty artqany kózge kórinip turdy. Tutastai qalalar salyndy. Mysaly, buryn astanada 300 myń adam tursa, qazir olardyń sany millionǵa jetti», - deidi Ábilǵazy Qusaiynov.
Onyń aitýynsha, ekonomikanyń damýy birqatar baǵdarlamanyń, sonyń ishinde indýstriialandyrý baǵdarlamasyn júzege asyrýǵa múmkindik berdi.
«Bizde eshqashan kólik qurastyrý bolǵan emes. Búginde bul salada kóptegen zaýyttar bar. Men uzaq jyldar boiy kólik infraqurylymynda jumys istedim. Eki myń shaqyrymnan astam 4 jolaqty avtoban salyndy dep aita alamyn. Ol – qaýipsiz joldar. Bul Qazaqstan úshin óte ózekti másele, óitkeni júk tasymaly memleketke tabys alyp keledi. Joldar kásipkerler úshin de, turǵyndar úshin de yńǵaily. Tarifterdiń qunyn tómendetýge jáne tasymaldaý ýaqytyn qysqartýǵa múmkindik beretin kólik infraqurylymynyń damýy mýltiplikativti áserge ie jáne búkil ekonomikany damytý múmkindigi bar», - deidi ol.
Sondai-aq, ol ózge elderden ozyq tájiribeler alynǵanyn aitty.
«Mysaly, munai qory – norvegiialyq tájiribe. Biz eki daǵdarysty bastan keshirdik, úshinshi dúniejúzilik daǵdarys koronavirýspen bailanysty. Onyń saldarynan kóptegen elderdiń ekonomikasyna nuqsan keldi. Osy ýaqytqa deiin jinaqtalǵan qarjy osy qiyndyqty eńserýge kómektesedi. Elimiz damýynyń negizin qalaǵan Tuńǵysh Prezident - Elbasy Nursultan Nazarbaev. Biz muny moiyndaýymyz kerek. Jas kadrlardy daiyndaý, «Bolashaq« baǵdarlamasymen oqý, shekaralardy ashý - jas kadrlardy daiyndaýǵa baǵyttalǵan áreketter edi. Prezident Qasym-Jomart Toqaev bul baǵytta jaqsy saiasat ustanyp, jastardy memlekettik qurylymdarǵa tartýda», - deidi qoǵam qairatkeri.
.jpeg)