«Aq jol» demokratiialyq partiiasynyń tóraǵasy Azat Perýashev partiia filialdaryn ákimderdiń basqarýyn synǵa aldy, dep habarlaidy QazAqparat.
«Bilik partiiasynyń filialdaryn ákimder basqaratyn praktikadan arylý kerek, tipti oǵan zań júzinde tyiym salý kerek. Bul – bilikti monopoliialandyrýdyń eń aiqyn mysaly. Ákimder sheneýnikterdiń jeke múddelerine emes, búkil qoǵamǵa qyzmet etýi kerek», - dedi Azat Perýashev partiia quryltaiynda.
Sonymen birge, partiia tóraǵasy Parlament pen máslihattardyń baqylaý fýnktsiialaryn keńeitý qajettigin, eń aldymen, olarǵa qoǵamdyq rezonans týdyrǵan azamattyq quqyqtar men bostandyqtardyń buzylýy, adamdardyń qaza bolýy nemese biliktegi sybailas jemqorlyq faktileri siiaqty oqiǵalardy parlamenttik tergeý quqyǵyn berý kerek dep esepteidi.
«Memleket biýdjetin bekitý men baqylaýdaǵy Parlament ókilettikterin kúsheitý qajet. Kez kelgen mindetterdi sheshýdegi memleket múmkindikteri biýdjetpen aiqyndalady. Biraq eldegi memlekettik qarajattyń basym bóligi biýdjetten tys jáne qoǵamnan jasyryn túrde jumsalady. Dál sol jerde júieli buzýshylyqtar bolady, sybailas jemqorlyq jailaidy. Sondyqtan barlyq memlekettik qarjyny Parlamenttiń baqylaýyna qaitarý – mańyzdy mindet», - dedi A. Perýashev.
Aita keteiik, «Aq jol» demokratiialyq partiiasynyń XVI sailaýaldy quryltaiynda partiianyń sailaýaldy baǵdarlama jobasy usynyldy. Partiia tóraǵasy Azat Perýashev baǵdarlamadaǵy eń negizgi basymdyq – Táýelsizdik jáne Alash ulttyq ideiasy ekenin atap ótti.
Sonymen birge, «Aq jol» demokratiialyq partiiasy Qazaq Respýblikasy ataýyn qaitarýdy jáne prezidenttik júieden parlamenttik respýblikaǵa kóshýdi usyndy.
