Qasym-Jomart Toqaev Astanada ótip jatqan Jasandy intellekt boiynsha III halyqaralyq olimpiadanyń ashylý saltanatynda sóz sóiledi, dep habarlaidy ult.kz.
Prezident sózinde elimiz tsifrlyq damý turǵysynan strategiialyq tańdaý jasaǵanyna toqtaldy.
– Qazaqstan Birikken Ulttar Uiymynyń elektrondy úkimetti damytý indeksinde 193 memlekettiń arasynan 24-oryn alady. Jańa tehnologiialardy engizýge ázirlik deńgeii boiynsha elimiz Ortalyq Aziiada kósh bastap tur. Biz biryńǵai innovatsiialyq ekojúie quryp jatyrmyz. Munda jasandy intellekt memleketti, ekonomikany, biznesti basqarýdyń mańyzdy tetigi retinde qoǵam ómiriniń barlyq salasyna dendep enedi. Byltyrǵy Joldaýymda aldaǵy úsh jyl ishinde Qazaqstandy tolyq tsifrlyq memleketke ainaldyrý boiynsha naqty mindet júktedim. 2026 jyldy Tsifrlandyrý jáne jasandy intellekt jyly dep jariialaý da – osy strategiialyq baǵdardy júzege asyrýǵa baǵyttalǵan qadam. Budan bólek, innovatsiiaǵa iek artatyn el damýynyń negizgi baǵyttary 1 shildede kúshine engen Qazaqstannyń jańa Konstitýtsiiasynda anyq kórsetilgen. Bul – barlyq úderistiń basy ǵana, – dedi Memleket basshysy.
Qasym-Jomart Toqaev elimiz sapaly bilimge, daryndy balalardy jan-jaqty qoldaýǵa basa nazar aýdaratynyn aitty
– Byltyr Beijińde ótken Jasandy intellekt boiynsha olimpiadadan Qazaqstan oqýshylary úsh altyn, bir kúmis jáne úsh qola medal jeńip aldy. El mereiin asyratyn bul jetistik jastarymyzdyń ziiatkerlik jáne shyǵarmashylyq áleýetiniń zor ekenin kórsetedi. Oraily sátti paidalana otyryp, talantty órenderimizge baǵyt-baǵdar berip júrgen ustazdar men tálimgerlerge alǵys aitamyn, – dedi Memleket basshysy.
Prezident bul olimpiada jasandy intellektini zertteýshi jastardyń halyqaralyq qaýymdastyǵynyń damýyna úlken serpin beretinine senim bildirdi.
– Bilim qai zamanda da halyqty biriktirip, adamzatty órkeniettiń shyńyna jeteledi. Sizderdiń qarym-qabiletterińiz meditsina, bilim, ekologiia jáne basqa da óte mańyzdy salalardaǵy tyń sheshimderge negiz bola alady. Dál osy olimpiadada álemdi ózgertetin jańa ideialar men jobalar dúniege kelýi múmkin, – dedi Memleket basshysy.
Qasym-Jomart Toqaev olimpiada qatysýshylaryna sáttilik tilep, osy mańyzdy sharany uiymdastyrýǵa úles qosqan barsha azamatqa shynaiy rizashylyǵyn bildirdi.
Saltanatty rásimde Sinovation Ventures jáne 01ai kompaniialarynyń bas direktory Li Kai Fý, Jasandy intellekt boiynsha halyqaralyq olimpiada keńesiniń tóraǵasy Elena Marinova, Qazaqstannyń sporttyq baǵdarlamalaý federatsiiasynyń prezidenti Baǵdat Mýsin Kaspikz negizin qalaýshylardyń biri Mihail Lomtadze jáne Freedom Holding Corp. kompaniiasynyń bas atqarýshy direktory Timýr Týrlov sóz sóiledi.
