Qasym-Jomart Toqaev Shavkat Mirziioevti týǵan kúnimen quttyqtap, baýyrlas ózbek halqynyń igiligi jolyndaǵy jaýapty memlekettik qyzmetine tabys tiledi, dep habarlaidy ult.kz.
Sonymen qatar Shavkat Mirziioevtiń parasatty basshylyǵynyń arqasynda Ózbekstan áleýmettik-ekonomikalyq damý men halyqaralyq bedelin arttyrýda mol tabysqa qol jetkizip, keshendi reformalar arqyly senimdi túrde ilgerilep kele jatqanyna nazar aýdardy.
Memleket basshysy Ózbekstan kóshbasshysynyń eki el arasyndaǵy dostyq jáne tatý kórshilik rýhyndaǵy strategiialyq seriktestik pen odaqtastyq qarym-qatynasty nyǵaitýǵa qosqan úlesin joǵary baǵalaitynyn atap ótti.
Taraptar búginde qazaq-ózbek yntymaqtastyǵy qarqyndy ekenin atap ótip, saýda-ekonomikalyq, kólik-logistikalyq jáne mádeni-gýmanitarlyq salalardaǵy bailanysty tereńdetý perspektivasyn talqylady.
Prezidentter óńirlik jáne halyqaralyq kún tártibinde ózekti máseleler jóninde pikir almasyp, aldaǵy kezdesýler kestesin qarastyrdy.
