Qasym-Jomart Toqaev Aleksandr Lýkashenkony Belarýs Respýblikasynyń Táýelsizdik kúnimen quttyqtady, dep habarlaidy ult.kz.
– Belarýs halqynyń birligin, ulttyq rýhynyń myqtylyǵyn jáne eldiń jasampazdyq pen órkeniet jolyndaǵy batyl qadamyn aishyqtaityn bul aitýly kúnniń simvoldyq máni erekshe. Qazaqstandyqtar baýyrlas belarýs halqyna airyqsha yqylas tanytyp, onyń tól mádenieti men bai dástúrine zor qurmetpen qaraidy, – dep jazylǵan jedelhatta.
Memleket basshysy Qazaqstan men Belarýs arasynda dostyq pen strategiialyq seriktestik rýhyna sai jemisti ári ózara tiimdi yntymaqtastyq jolǵa qoiylǵanyn atap ótti.
Qasym-Jomart Toqaev Aleksandr Lýkashenkonyń jaýapty memlekettik qyzmetine tabys, al Belarýs halqyna baq-bereke tiledi.
