Memleket basshysynyń tóraǵalyǵymen Túrkistan qalasyn damytý máseleleri jóninde keńes ótti

Memleket basshysynyń tóraǵalyǵymen Túrkistan qalasyn damytý máseleleri jóninde keńes ótti, dep habarlaidy "Ult aqparat" Aqordaǵa silteme jasap.

Jiyndy ashqan Nursultan Nazarbaev Túrkistan qalasynda qurylys jumystaryn bastaý úshin shuǵyl sharalar qabyldaý qajettigin aitty.

– Túrkistan – búkil halqymyz úshin qasietti qala. Biz bul shahardy odan ári damytý máselesin jan-jaqty talqylap, tiisti tapsyrmalar berip, qajetti qarajat bóldik. Ýaqyt keldi, alaida eshqandai jumys bastalǵan joq. Oblys ortalyǵyn salý jóninde belgilegen jospardy oryndaýǵa kirisý kerek, – dedi Elbasy.

Qazaqstan Prezidenti qalanyń ákimshilik-iskerlik ortalyǵyn, turǵyn úiler alabyn jáne áleýmettik nysandardy salý basym baǵyt bolyp sanalatynyn atap ótti.

Jiynda Premer-Ministrdiń birinshi orynbasary A.Maminniń, Túrkistan oblysynyń ákimi J.Túimebaevtyń, Mádeniet jáne sport ministri A.Muhamediulynyń jáne Halyqaralyq sáýlet baiqaýy komissiiasynyń tóraǵasy A.Zikirinniń Túrkistannyń bas josparynyń tujyrymdamasyn iske asyrý barysy, sonyń ishinde qalada jańa nysandar salý josparlary týraly baiandamalary tyńdaldy.

Sońynda Memleket basshysy jańǵyrtylatyn energiia kózderin paidalanýdyń mańyzdylyǵyna nazar aýdaryp, oblys ortalyǵyn energiiamen jáne sýmen qamtamasyz etý salalaryn jaqsartýǵa qatysty birqatar naqty tapsyrma berdi.