Memleket basshysy Nursultan Nazarbaevtyń tóraǵalyǵymen «Nur Otan» partiiasy Saiasi keńesiniń keńeitilgen otyrysy bastaldy, dep habarlaidy "Ult aqparat".
Otyrystyń kún tártibinde partiianyń 2017 jyldyń 10 aiynda elimizdiń saiasi, ekonomikalyq jáne rýhani jańǵyrýy aiasynda atqarǵan jumysy, sonymen qatar «Nur Otan» partiiasy Saiasi keńesi biýrosynyń quramyna ózgertýler engizý máselesi qaralady.
Taratylǵan málimetterge qaraǵanda, Parlament Májilisindegi partiianyń fraktsiialyq qyzmeti jetildirildi jáne partiialyq tártip nyǵaityldy. Depýtattar - partiia fraktsiiasynyń músheleri Májiliske kelip túsken 148 zań jobasynyń 131-in qaraý jónindegi jumys toptaryn basqardy. 8 zań jobasyna bastamashylyq jasaldy, olardyń tórteýi qabyldandy.
«Partiianyń Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyn nasihattaý boiynsha jumysyna barlyq partiialyq qurylymdar - bastaýysh partiia uiymdary, fraktsiia depýtattary, konsýltativti-keńestik organdar men dialog alańdary, ortalyqtaǵy ári jergilikti qoǵamdyq qabyldaý bólmeleri jumyldyryldy. Aqparattyq ilgeriletý men Joldaýdyń basty basymdyqtaryn iske asyrý partiialyq jobalardy júzege asyrý negizinde uiymdastyryldy. Jalpy alǵanda, 4 mln adamdy qamtyǵan 46,9 myń is-shara ótkizildi», - dep atap ótilgen partiia habarlamasynda.
Sonymen qatar, Elbasynyń «Bolashaqqa baǵdar: rýhani jańǵyrý» baǵdarlamalyq maqalasyn aqparattyq ilgeriletý maqsatynda partiia barlyq resýrstar men aktivterdi iske qosty, jastardy, sarapshylar men ziialy qaýymdy tarta otyryp, ártúrli «dialog alańdarynda» jumys júrgizedi. Barlyq jerlerde 22,8 myń is-shara ótkizildi, olarda 1,5 mln adam qamtyldy.
Belgili bolǵandai, esepti kezeńde partiiaǵa 190 myń ótinish kelip tústi, onyń ishinen 96 paiyzy oń sheshimin tapty, sondai-aq konsýltatsiialyq kómek kórsetildi. «Ótinishterdi 100 paiyz qaraý qamtamasyz etilýde, hattardy qaraý merzimderi 8-10 kúnnen 1-5 kúnge deiin qysqartyldy», - delingen partiia málimetinde.
Búginde «Nur Otan» partiiasynyń qatarynda 190 myń (29 jasqa deiingi) jas qazaqstandyq bar. «Jas Otan» qyzmeti 16 aimaqtyq jáne 208 qalalyq ári aýdandyq filial, kásiporyndardaǵy 230 bólimshe men JOO-daǵy 96 bólimshe arqyly júzege asyrylady. Jastardyń barlyq sanattaryn qamtityn 12 jastar jobalary iske asyrylyp jatyr.
«Kokýrstyq irikteý negizinde aimaqtyq partiialyq kadrlyq rezerv qalyptastyryldy, oǵan 3 052 adam engizildi. Rezervshilerdiń naqty is-qimyldar jospary bekitildi. Rezervke qatysýshylarynyń 52 paiyzy máslihattardyń depýtaty bolyp sailandy. Kelesi jyly Respýblikalyq partiialyq kadrlyq rezervti qalyptastyrý jónindegi jumys bastalady», - dep atap ótilgen habarlamada.
.jpeg)