Memleket basshysynyń tóraǵalyǵymen Qaýipsizdik keńesiniń otyrysy ótti, dep habarlaidy "Ult aqparat" Aqordaǵa silteme jasap.
Jiynda Qazaqstan Prezidentiniń Amerika Qurama Shtattaryna resmi saparynyń nátijeleri men qol jetkizilgen ýaǵdalastyqtardy júzege asyrý jónindegi sharalar qarastyryldy.
– Biz búgin Qazaqstan delegatsiiasynyń AQSh-qa resmi saparynyń qorytyndysyn, sonyń ishinde AQSh Prezidenti Donald Tramppen, Vitse-Prezident Maikl Penspen, basqa da basshylarmen ótken kelissózderdiń nátijelerin talqylaimyz. Sondai-aq, elimizdiń múddesi úshin bul ýaǵdalastyqtardyń oryndalýyna septigin tigizetin sharalardy qarastyrý qajet, – dedi Elbasy.
Qazaqstan Prezidenti AQSh-tyń iri kompaniialarymen jáne qarjy institýttarymen jasalǵan kelisimderdi iske asyrý máselelerine erekshe nazar aýdardy.
– Biz amerikalyq biznes «kapitandarymen» naqty ýaǵdalastyqtarǵa qol jetkizdik. Bular bizdiń ekonomikamyzǵa, ásirese innovatsiiany engizý, tsifrlandyrýdy damytý jáne Qazaqstanǵa investitsiialar men jańa tehnologiialardy tartý salalaryna tyń serpin beretin bolady, – dedi Nursultan Nazarbaev.
Sońynda Elbasy Qazaqstan men Amerikanyń joǵary deńgeidegi dialogy elimizdiń ekonomikasyn damytý jáne óńirdegi qaýipsizdikti nyǵaitý turǵysynan mańyzdy ekenin atap ótti.
Memleket basshysy Qaýipsizdik keńesi otyrysynyń qorytyndysy boiynsha birqatar naqty tapsyrma berdi.
