Almatydaǵy Ortalyq klinikalyq aýrýhanasy Neirohirýrgiia bóliminiń meńgerýshisi Myńjylqy Berdiqojaev Memleket basshysynyń meditsina qyzmetkerleriniń mártebesin kóterýge qatysty bergen tapsyrmalaryna pikir bildirdi, dep habarlaidy QazAqparat.
«Qazaqstan Prezidentiniń Ulttyq qoǵamdyq senim keńesiniń 3-otyrysynda atap ótken máseleleriniń ishinde dárigerlerdiń qateligine bailanysty pikir bildirdi. Árine, osy baǵytta kópten beri tiisti zertteýler júrgizilip kele jatyr. Bul turǵyda dárigerlik qatelikti saqtandyrý jóninde usynystar da aitylǵan edi. Sonyń barlyǵy endi zańnamalyq turǵyda eskeriledi degen oidamyn. Menińshe, dárigerlerdi qateligi úshin qylmystyq jazaǵa tartý dúniejúzilik tájiribede joq. Eger qasaqana jasalǵan kinási bolsa, onda álem elderinde qylmystyq jaza eskerilgen. Kóptegen memleketterde saqtandyrý kompaniialary zardap shekken naýqasqa tiisti somada tólemder jasaidy», - dedi M. Berdiqojaev.
Osy oraida ol Ulttyq qoǵamdyq senim keńesindegi Memleket basshysynyń bastamalary qoldaitynyn, bul baǵyttaǵy qadamdar ońtaily sheshimder jasaýǵa yqpal etetinin aitty.
Budan bólek ol Qasym-Jomart Toqaevtyń biyldan bastap dárigerlerdiń eńbekaqysyn kezeń-kezeńmen arttyrýǵa qatysty Úkimetke bergen tapsyrmasyna da toqtaldy.
«Eger paiymdaýymsha, biyldan qajetti sharalar qabyldanatyn bolsa, onda josparlanǵan qadamdar 3-4 jylda júzege asady. Ózderińiz bilesizder, sońǵy kezderi densaýlyq saqtaý salasyna bailanysty birqatar tapsyrma berildi. Prezident 2025 jylǵa qarai memlekettik baǵdarlama boiynsha 20 iri klinika salynatynyn aitty. Óńirlerde meditsinalyq uiymdar nysandarynyń eskirgeni belgili. Sondyqtan statsionarlardyń jańarǵany durys. Bul turǵyda aýdan ortalyqtaryndaǵy aýrýhanalardy jańartýǵa nazar aýdarylǵany jón. Olardyń qajetti quraldarmen jabdyqtaý kerek», - dedi Myńjylqy Berdiqojaev.
.jpeg)