الماتىداعى ورتالىق كلينيكالىق اۋرۋحاناسى نەيروحيرۋرگييا بٶلٸمٸنٸڭ مەڭگەرۋشٸسٸ مىڭجىلقى بەردٸقوجاەۆ مەملەكەت باسشىسىنىڭ مەديتسينا قىزمەتكەرلەرٸنٸڭ مەرتەبەسٸن كٶتەرۋگە قاتىستى بەرگەن تاپسىرمالارىنا پٸكٸر بٸلدٸردٸ, دەپ حابارلايدى قازاقپارات.
«قازاقستان پرەزيدەنتٸنٸڭ ۇلتتىق قوعامدىق سەنٸم كەڭەسٸنٸڭ 3-وتىرىسىندا اتاپ ٶتكەن مەسەلەلەرٸنٸڭ ٸشٸندە دەرٸگەرلەردٸڭ قاتەلٸگٸنە بايلانىستى پٸكٸر بٸلدٸردٸ. ەرينە, وسى باعىتتا كٶپتەن بەرٸ تيٸستٸ زەرتتەۋلەر جٷرگٸزٸلٸپ كەلە جاتىر. بۇل تۇرعىدا دەرٸگەرلٸك قاتەلٸكتٸ ساقتاندىرۋ جٶنٸندە ۇسىنىستار دا ايتىلعان ەدٸ. سونىڭ بارلىعى ەندٸ زاڭنامالىق تۇرعىدا ەسكەرٸلەدٸ دەگەن ويدامىن. مەنٸڭشە, دەرٸگەرلەردٸ قاتەلٸگٸ ٷشٸن قىلمىستىق جازاعا تارتۋ دٷنيەجٷزٸلٸك تەجٸريبەدە جوق. ەگەر قاساقانا جاسالعان كٸنەسٸ بولسا, وندا ەلەم ەلدەرٸندە قىلمىستىق جازا ەسكەرٸلگەن. كٶپتەگەن مەملەكەتتەردە ساقتاندىرۋ كومپانييالارى زارداپ شەككەن ناۋقاسقا تيٸستٸ سومادا تٶلەمدەر جاسايدى», - دەدٸ م. بەردٸقوجاەۆ.
وسى ورايدا ول ۇلتتىق قوعامدىق سەنٸم كەڭەسٸندەگٸ مەملەكەت باسشىسىنىڭ باستامالارى قولدايتىنىن, بۇل باعىتتاعى قادامدار وڭتايلى شەشٸمدەر جاساۋعا ىقپال ەتەتٸنٸن ايتتى.
بۇدان بٶلەك ول قاسىم-جومارت توقاەۆتىڭ بيىلدان باستاپ دەرٸگەرلەردٸڭ ەڭبەكاقىسىن كەزەڭ-كەزەڭمەن ارتتىرۋعا قاتىستى ٷكٸمەتكە بەرگەن تاپسىرماسىنا دا توقتالدى.
«ەگەر پايىمداۋىمشا, بيىلدان قاجەتتٸ شارالار قابىلداناتىن بولسا, وندا جوسپارلانعان قادامدار 3-4 جىلدا جٷزەگە اسادى. ٶزدەرٸڭٸز بٸلەسٸزدەر, سوڭعى كەزدەرٸ دەنساۋلىق ساقتاۋ سالاسىنا بايلانىستى بٸرقاتار تاپسىرما بەرٸلدٸ. پرەزيدەنت 2025 جىلعا قاراي مەملەكەتتٸك باعدارلاما بويىنشا 20 ٸرٸ كلينيكا سالىناتىنىن ايتتى. ٶڭٸرلەردە مەديتسينالىق ۇيىمدار نىساندارىنىڭ ەسكٸرگەنٸ بەلگٸلٸ. سوندىقتان ستاتسيونارلاردىڭ جاڭارعانى دۇرىس. بۇل تۇرعىدا اۋدان ورتالىقتارىنداعى اۋرۋحانالاردى جاڭارتۋعا نازار اۋدارىلعانى جٶن. ولاردىڭ قاجەتتٸ قۇرالدارمەن جابدىقتاۋ كەرەك», - دەدٸ مىڭجىلقى بەردٸقوجاەۆ.
.jpeg)