Memleket basshysynyń synynan keiin Úkimettiń jumysy jandandy. Bul týraly Qazaqstandyq strategiialyq zertteýler institýtynyń Facebook paraqshasynan málim boldy.
10 shilde kúni Memleket basshysy Qasym-Jomart Toqaev Prezident Ákimshiliginiń basshylyǵy, oblystar men respýblikalyq mańyzy bar qalalardyń ákimderi, ortalyq memlekettik organdar men ulttyq kampaniia basshylarynyń qatysýymen Úkimettiń keńeitilgen otyrysyn ótkizdi. Osy kezdesýde Prezident Densaýlyq saqtaý ministrliginiń júielik qatelikter jibergenin, ákimderdiń tiisti deńgeide jumys istemeýin, Úkimettiń qajetti baqylaýdy júrgizbegenin aita otyryp, memlekettik organdardyń áreketterin synǵa aldy jáne Úkimet múshelerinen jaǵdaidy qysqa merzim ishinde túzetýdi talap etti.
«Búgin Qazaqstan Respýblikasy Prezidenti janyndaǵy QSZI-da koronavirýstyq infektsiiamen kúreske qatysty sońǵy ýaqytta qabyldanǵan sharalar talqylandy. QSZI direktory Zarema Sháýkenova búginde jaýapty qurylymdardyń edáýir jandana túskenin, memleket tarapynan júrgizilip jatqan ashyq aqparattyq saiasat, ýaqtyly jáne jan-jaqty áleýmettik jáne meditsinalyq qoldaýmen qatar úlken úmit týdyryp, jaǵdaidyń jaqsarýyna ákeletinin atap ótti», - delingen institýttyń Facebook paraqshasynda.
Talqylaý barysynda QSZI bólimderiniń basshylary, saiasattanýshy, áleýmettanýshy, ekonomist sarapshylar – Ásel Áben, Alýa Joldybalina, Janna Kárimova, Ásel Nazarbetova sóz sóilegen.
.jpeg)