Májilis depýtaty Zaǵipa Bálieva Bala quqyqtary jónindegi jańa ýákildiń taǵaiyndalýyna qatysty pikir bildirdi, - dep habarlaidy Tengrinews.kz tilshisi.
"Birinshiden, Memleket basshysynyń sheshimine qatysty pikir bildirmeimin jáne talqylamaimyn da. Memleket basshysynyń istep jatqanynyń barlyǵy durys. Bala quqyqtary jónindegi ýákil bolyp taǵaiyndalǵan adam ol jumysqa óte laiyq, uzaq ýaqyt boiy quqyq qorǵaý organdarynda jumys istedi, balalardyń problemalary jaily da estýi bar. Men onyń qasynda bolyp, kómektesetin bolamyn", - dedi Bálieva suhbatynda.
Depýtattyń aitýynsha, bala quqyqtaryn qorǵaýǵa qatysty jumys oǵan úlken tájiribe boldy.
"Biz onymen habarlastyq. Ony quttyqtadym. Ári qarai qalai jumys isteitinimiz jaily pikir almastyq. Ol meniń qoldaýyma júgine alady", - dedi depýtat.
Eske sala keteiik, keshe, 12 maýsymda Nursultan Nazarbaevtyń Zaǵipa Bálievany qyzmetinen bosatqany jaily habarlanǵan bolatyn. Bala quqyqtary jónindegi ýákil bolyp Sáýle Aitpaeva taǵaiyndaldy.
