Foto: Aqorda
Prezident Qasym-Jomart Toqaev Joǵary aýditorlyq palatanyń tóraǵasy Álihan Smaiylovty qabyldap, byltyrǵy jumystardyń nátijeleri men aǵymdaǵy jylǵa arnalǵan josparlardy talqylady, dep habarlaidy Ult.kz.
2024 jyldyń nátijeleri:
- 214 nysanda jalpy quny shamamen 11 trillion teńgege jetetin 27 aýditorlyq is-shara ótkizilgen.
- Nátijesinde, 862 milliard teńge kólemindegi túrli zań buzýshylyqtar anyqtaldy.
- Biýdjetke 135 milliard teńge qaitaryldy, bul 2023 jylǵy kórsetkishten bes ese artyq.
Aýdit nátijeleri:
- Qurylys nysandaryndaǵy baǵa qalyptastyrý, óńdeý ónerkásibi jobalaryn qarjylandyrý, aýyl sharýashylyǵyn sýbsidiialaý salalarynda turaqty olqylyqtar tirkelgen.
- Joǵary aýditorlyq palata zań buzýshylyqtardy joiý úshin Úkimetke usynymdar joldap, jaýapty memlekettik organdarǵa nusqamalar bergen.
2025 jylǵa jospar:
- 40-tan astam aýditorlyq is-shara ótkiziledi.
- Tekseriletin nysandar qataryna Astana men Almaty qalalary, Soltústik Qazaqstan, Qostanai, Jambyl oblystary, sondai-aq «Samuryq-Qazyna» qory, «Qazatomónerkásip», KEGOC, Ulttyq bank jáne Tótenshe jaǵdailar ministrligi kiredi.
- Ǵylym, qorǵanys, quqyqtyq tártip, sport, áleýmettik qamtamasyz etý, orman sharýashylyǵy salalarynda aýdit júrgiziledi.
Prezidenttiń tapsyrmasy:
Memleket basshysy memlekettik aýdit júiesin jetildirýdi jalǵastyrýdy jáne biýdjet qarajatynyń tiimdi igerilýin baqylaý úshin zamanaýi tsifrlyq sheshimderdi engizýdi tapsyrdy.
Bul sharalar biýdjet qarjysynyń tiimdiligin arttyrýǵa jáne memlekettik basqarý júiesiniń ashyqtyǵyn qamtamasyz etýge baǵyttalǵan.
