فوتو: اقوردا
پرەزيدەنت قاسىم-جومارت توقاەۆ جوعارى اۋديتورلىق پالاتانىڭ تٶراعاسى ەليحان سمايىلوۆتى قابىلداپ, بىلتىرعى جۇمىستاردىڭ نەتيجەلەرٸ مەن اعىمداعى جىلعا ارنالعان جوسپارلاردى تالقىلادى, دەپ حابارلايدى Ult.kz.
2024 جىلدىڭ نەتيجەلەرٸ:
- 214 نىساندا جالپى قۇنى شامامەن 11 تريلليون تەڭگەگە جەتەتٸن 27 اۋديتورلىق ٸس-شارا ٶتكٸزٸلگەن.
- نەتيجەسٸندە, 862 ميلليارد تەڭگە كٶلەمٸندەگٸ تٷرلٸ زاڭ بۇزۋشىلىقتار انىقتالدى.
- بيۋدجەتكە 135 ميلليارد تەڭگە قايتارىلدى, بۇل 2023 جىلعى كٶرسەتكٸشتەن بەس ەسە ارتىق.
اۋديت نەتيجەلەرٸ:
- قۇرىلىس نىساندارىنداعى باعا قالىپتاستىرۋ, ٶڭدەۋ ٶنەركەسٸبٸ جوبالارىن قارجىلاندىرۋ, اۋىل شارۋاشىلىعىن سۋبسيدييالاۋ سالالارىندا تۇراقتى ولقىلىقتار تٸركەلگەن.
- جوعارى اۋديتورلىق پالاتا زاڭ بۇزۋشىلىقتاردى جويۋ ٷشٸن ٷكٸمەتكە ۇسىنىمدار جولداپ, جاۋاپتى مەملەكەتتٸك ورگاندارعا نۇسقامالار بەرگەن.
2025 جىلعا جوسپار:
- 40-تان استام اۋديتورلىق ٸس-شارا ٶتكٸزٸلەدٸ.
- تەكسەرٸلەتٸن نىساندار قاتارىنا استانا مەن الماتى قالالارى, سولتٷستٸك قازاقستان, قوستاناي, جامبىل وبلىستارى, سونداي-اق «سامۇرىق-قازىنا» قورى, «قازاتومٶنەركەسٸپ», KEGOC, ۇلتتىق بانك جەنە تٶتەنشە جاعدايلار مينيسترلٸگٸ كٸرەدٸ.
- عىلىم, قورعانىس, قۇقىقتىق تەرتٸپ, سپورت, ەلەۋمەتتٸك قامتاماسىز ەتۋ, ورمان شارۋاشىلىعى سالالارىندا اۋديت جٷرگٸزٸلەدٸ.
پرەزيدەنتتٸڭ تاپسىرماسى:
مەملەكەت باسشىسى مەملەكەتتٸك اۋديت جٷيەسٸن جەتٸلدٸرۋدٸ جالعاستىرۋدى جەنە بيۋدجەت قاراجاتىنىڭ تيٸمدٸ يگەرٸلۋٸن باقىلاۋ ٷشٸن زاماناۋي تسيفرلىق شەشٸمدەردٸ ەنگٸزۋدٸ تاپسىردى.
بۇل شارالار بيۋدجەت قارجىسىنىڭ تيٸمدٸلٸگٸن ارتتىرۋعا جەنە مەملەكەتتٸك باسقارۋ جٷيەسٸنٸڭ اشىقتىعىن قامتاماسىز ەتۋگە باعىتتالعان.
