Memleket basshysy Joǵarǵy sot tóraǵasy Jaqyp Asanovty qabyldady, dep habarlandy Aqordanyń resmi saitynda.
Prezident Qasym-Jomart Toqaevqa sot júiesine ákimshilik ádilet mehanizmin engizýge daiyndyq jumystarynyń barysy jaiynda baiandaldy. Joǵarǵy sot tóraǵasy 2021 jyldyń 1 shildesinen bastap Ákimshilik rásimdik-protsessýaldyq kodeks qoldanysqa engennen keiin sottar memlekettik qurylymdarǵa qoiylatyn talaptardy álemdik ákimshilik ádilet júiesine sáikes «memlekettik organnyń kinálilik prezýmptsiiasy» printsipimen qarastyra bastaitynyn jetkizdi.
Jaqyp Asanovtyń aitýynsha, sheteldik tájiribe kórsetkendei, ákimshilik ádilet júiesin engizý memlekettik apparattaǵy tártipti kúsheitýge, investitsiialyq ahýaldy jaqsartýǵa jáne ekonomikanyń ósýine yqpal etedi.
Memleket basshysy atalǵan Kodeks kúshine engen kúnnen bastap sottar jańartylǵan algoritm negizinde, qazaqstandyq sot tóreligi úshin tyń tásil boiynsha jumys isteýge daiyn bolady dep senetinin aitty.
Prezident azamattardyń jáne kásipkerlerdiń quqyqtary men múddelerin qorǵaý memlekettiń basty mindetteriniń biri ekenin atap ótti.
