Foto: Aqorda
Prezident Qasym-Jomart Toqaev pen ministr Takeshi Ivaia saýda-ekonomikalyq, investitsiialyq, kólik-tranzit jáne mádeni-gýmanitarlyq salalardaǵy qazaq-japon keńeitilgen strategiialyq seriktestiginiń qazirgi jai-kúii men damý perspektivasyn talqylady. Sondai-aq halyqaralyq qurylymdar aiasyndaǵy yqpaldastyq jóninde pikir almasty, dep habarlaidy Ult.kz.
«Japoniia – Aziiadaǵy senimdi ári jaqyn seriktesimiz. Biz Tokiomen jan-jaqty yntymaqtastyqty nyǵaitýǵa erekshe mán beremiz. Premer-ministr Ishibaǵa ystyq yqylasymdy jetkizýdi suraimyn. Premer-ministr Shigerý Ishiba Qazaqstanǵa resmi saparmen kelmekshi. Biz onyń saparyn asyǵa kútip, daiyndalýdamyz. Ózara qarym-qatynasymyz joǵary qarqynmen damyp kele jatyr dep senimmen aitýǵa bolady», - dedi Prezident.
Takeshi Ivaia qonaqjailyq tanytqany úshin Qazaqstan Prezidentine rizashylyǵyn bildirdi.
«Sizdiń sálemińizdi Premer-ministrimizge mindetti túrde jetkizemiz. Qazaqstan men Japoniia – halyqaralyq tártipti kúsheitýge múddeli strategiialyq seriktester. Meniń bul saparym eki el arasyndaǵy bailanysty odan ári damytýǵa jol ashady dep oilaimyn»,- dedi Japoniia Syrtqy ister ministri.
Sonymen qatar Qasym-Jomart Toqaev pen Takeshi Ivaia halyqaralyq jáne óńirlik kún tártibindegi ózekti máseleler jóninde áńgimelesti.
