Foto: Aqorda
Memleket basshysy Japoniia Premer-ministriniń arnaýly keńesshisi Akihisa Nagashimany qabyldady, -dep habarlaidy Ult.kz Aqordanyń baspasóz qyzmetine silteme jasap.
Prezident Japoniia Premer-ministriniń arnaýly keńesshisi, Parlament Ókilder palatasynyń depýtaty Akihisa Nagashimany qabyldady.
"Qazaqstan Japoniiamen strategiialyq seriktestikti damytýǵa erekshe mán beredi. Eki el arasynda dostyq pen ózara túsinistikke negizdelgen tyǵyz yntymaqtastyq ornaǵan. Biz «Qazaqstan men Japoniianyń arasy alys bolǵanymen, dostyǵymyz berik» dep aitamyz", – dedi Memleket basshysy.
Qasym-Jomart Toqaev memleketter arasyndaǵy saýda-ekonomikalyq, investitsiialyq jáne ǵylymi-tehnikalyq bailanystardy keńeitýge aitarlyqtai áleýet bar ekenine toqtaldy. Prezident Qazaqstan ekonomikasyna tartylǵan japon investitsiiasynyń kólemi 8 milliard dollardan asqanyn aitty. Sondai-aq elimizdiń sheteldik investorlarǵa, sonyń ishinde Japoniianyń ozyq kompaniialaryna qolaily jaǵdai jasaýǵa daiyn ekenin atap ótti.
Arnaýly keńesshi Prezidentke Japoniia Premer-ministri Shigerý Ishibanyń ystyq yqylasyn jetkizdi, sonymen qatar Tokionyń qazaq-japon san qyrly qarym-qatynasyn odan ári jandandyrýǵa beiildigin rastady.
Qasym-Jomart Toqaev pen Akihisa Nagashima joǵary deńgeidegi saiasi dialogty nyǵaitýdyń mańyzyn atap ótip, saýda, energetika, kólik, bilim berý, mádeni-gýmanitarlyq salalaryndaǵy, sondai-aq klimattyq ózgeris máseleleri boiynsha ekijaqty ózara yqpaldastyqty tereńdetýdiń perspektivasyn talqylady.
