Memleket basshysy Túrkistan qalasyndaǵy «Sapar ortalyǵynyń» jumysymen tanysty, dep habarlaidy Aqordanyń resmi saity.
«Sapar ortalyǵy» biyl iske qosylǵan óńirdegi mańyzy zor nysan. Qazaqstan Prezidentine týristik nysandardy biryńǵai elektrondy biletpen qamtý júiesi, týristerge usynylatyn marketingtik aqparat jáne aýdiogid materialdary jóninde baiandaldy.
Jalpy kólemi 2092 sharshy metr aýmaqty alyp jatqan ortalyqta 54 adam jumys isteidi. Olar Túrkistanǵa kelgen týristerge baǵyt-baǵdar berip, qajetti materialdarmen qamtyp, zamanaýi talaptarǵa sai qyzmet kórsetedi.
Qasym-Jomart Toqaev «Qazaq handyǵy» atty zalda ornalasqan ekspozitsiialarmen tanysty. Sonymen qatar Prezident qoldan jasalǵan kóne kilemderdiń kórmesin aralap kórdi.
