Foto: Aqorda
Qasym-Jomart Toqaev Túrikmenstan Prezidentine iltipat bildire otyryp, onyń birinshi «Ortalyq Aziia – Italiia» sammitine qatysýy memleketaralyq kópqyrly qarym-qatynastardy odan ári ilgeriletý turǵysynan mańyzdy ekenin atap ótti, dep habarlaidy Ult.kz.
"Eki el arasyndaǵy yntymaqtastyqty damytýǵa basa mán beremiz. Ekonomikalyq bailanystarda naqty nátijelerge qol jetkizemiz dep esepteimin. Basqa da salalar boiynsha, ásirese, mádeni-gýmanitarlyq baǵytta yqpaldastyq qarqyndy damyp keledi. Kún tártibindegi jobalardy júzege asyrýǵa qos tarap ta kúsh jumyldyratynyn eskersek, ózara tiimdi qarym-qatynastyń keleshegi zor", – dedi Memleket basshysy.
Prezidenttiń pikirinshe, qazir Astana men Ashhabad arasyndaǵy yntymaqtastyq órkendep, kóptegen negizgi salalarda oń dinamika baiqalady.
Serdar Berdimuhamedov Qasym-Jomart Toqaevqa qonaqjailyq tanytqany jáne «Ortalyq Aziia – Italiia» sammitin tabysty ótkizgeni úshin alǵys aitty.
"Ortalyq Aziia elderi men Italiia joǵary deńgeidegi osyndai formatta tuńǵysh ret kelissóz júrgizip otyr. Sammit qorytyndysy memleketterimiz arasyndaǵy yntymaqtastyqty keńeitýge yqpal etetinine senimdimin", – dedi Túrikmenstan Prezidenti.
Kezdesýde Qasym-Jomart Toqaev Halk Maslahatynyń Tóraǵasy Gýrbangýly Berdimuhamedovke ystyq yqylasyn joldap, onyń jaýapty qyzmetine tolaǵai tabys tiledi.
