فوتو: اقوردا
قاسىم-جومارت توقاەۆ تٷرٸكمەنستان پرەزيدەنتٸنە ٸلتيپات بٸلدٸرە وتىرىپ, ونىڭ بٸرٸنشٸ «ورتالىق ازييا – يتالييا» سامميتٸنە قاتىسۋى مەملەكەتارالىق كٶپقىرلى قارىم-قاتىناستاردى ودان ەرٸ ٸلگەرٸلەتۋ تۇرعىسىنان ماڭىزدى ەكەنٸن اتاپ ٶتتٸ, دەپ حابارلايدى Ult.kz.
"ەكٸ ەل اراسىنداعى ىنتىماقتاستىقتى دامىتۋعا باسا مەن بەرەمٸز. ەكونوميكالىق بايلانىستاردا ناقتى نەتيجەلەرگە قول جەتكٸزەمٸز دەپ ەسەپتەيمٸن. باسقا دا سالالار بويىنشا, ەسٸرەسە, مەدەني-گۋمانيتارلىق باعىتتا ىقپالداستىق قارقىندى دامىپ كەلەدٸ. كٷن تەرتٸبٸندەگٸ جوبالاردى جٷزەگە اسىرۋعا قوس تاراپ تا كٷش جۇمىلدىراتىنىن ەسكەرسەك, ٶزارا تيٸمدٸ قارىم-قاتىناستىڭ كەلەشەگٸ زور", – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, قازٸر استانا مەن اشحاباد اراسىنداعى ىنتىماقتاستىق ٶركەندەپ, كٶپتەگەن نەگٸزگٸ سالالاردا وڭ ديناميكا بايقالادى.
سەردار بەردٸمۇحامەدوۆ قاسىم-جومارت توقاەۆقا قوناقجايلىق تانىتقانى جەنە «ورتالىق ازييا – يتالييا» سامميتٸن تابىستى ٶتكٸزگەنٸ ٷشٸن العىس ايتتى.
"ورتالىق ازييا ەلدەرٸ مەن يتالييا جوعارى دەڭگەيدەگٸ وسىنداي فورماتتا تۇڭعىش رەت كەلٸسسٶز جٷرگٸزٸپ وتىر. سامميت قورىتىندىسى مەملەكەتتەرٸمٸز اراسىنداعى ىنتىماقتاستىقتى كەڭەيتۋگە ىقپال ەتەتٸنٸنە سەنٸمدٸمٸن", – دەدٸ تٷرٸكمەنستان پرەزيدەنتٸ.
كەزدەسۋدە قاسىم-جومارت توقاەۆ حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆكە ىستىق ىقىلاسىن جولداپ, ونىڭ جاۋاپتى قىزمەتٸنە تولاعاي تابىس تٸلەدٸ.
