Memleket basshysy Tótenshe jaǵdailar ministri Iýrii Ilindi qabyldady, dep habarlaidy Aqordanyń baspasóz qyzmeti.
Prezidentke qaita qurylǵan ministrliktiń qurylymy, basqa memlekettik organdardan ónerkásip qaýipsizdigi salasyndaǵy keibir fýnktsiialardy, memlekettik materialdyq qordy berý úderisi, sondai-aq, Ishki ister ministrliginiń quramyna kirgen áskeri bólimshelerdi aýystyrý jumystary týraly baiandaldy.
Iýrii Ilin Prezident Qasym-Jomart Toqaevqa biylǵy Qazaqstan Respýblikasyndaǵy tótenshe jaǵdailardyń aldyn alý jáne joiý memlekettik qyzmetiniń 25 jyldyǵy qarsańynda, atalǵan qurylymdy qaita qalpyna keltirgeni úshin mekeme qyzmetkerleriniń atynan alǵys bildirdi.
Memleket basshysyna osy jyldyń 8 aiyndaǵy tótenshe jaǵdailardyń, tabiǵi jáne tehnogendik apattardyń, sondai-aq, osyndai jaǵdailarda qaza bolǵandar sanynyń azaiǵany týraly da aqparat berildi.
Kezdesý qorytyndysy boiynsha Memleket basshysy Qasym-Jomart Toqaev jylytý maýsymymen jáne qysqa daiyndyq jumystaryn júrgizý, túrli tótenshe jaǵdailardy azaitý, qar burqasyndaryna ázirlik, sondai-aq, kóktemgi tasqyndar men eldi mekenderdi sý basý qaýpiniń aldyn alý máseleleri boiynsha birqatar naqty tapsyrma berdi.
