Memleket basshysy Qasym-Jomart Toqaev Total kontserniniń barlaý jáne óndirý jónindegi bólimshesiniń prezidenti Arno Breiiakty qabyldady, dep habarlaidy Aqorda.
Kezdesý barysynda kómirsýtegi sektoryndaǵy birqatar jobany júzege asyrý máseleleri, Qazaqstan men Total kontserni arasyndaǵy yqpaldastyqtyń aldaǵy perspektivalary, sondai-aq, jańa investitsiialar tartý múmkindikteri talqylandy.
Arno Breiiak Qasym-Jomart Toqaevqa kontsernniń jasyl tehnologiialar baǵytyndaǵy jumysyn transformatsiialaý jospary týraly aityp, kásiporynnyń ataýyn TotalEnergies dep ózgertýge nietti ekenin jetkizdi.
Sonymen qatar frantsýz kásipkeri kontsernniń Qazaqstandaǵy munai-gaz salasy boiynsha, sonyń ishinde, Qashaǵan ken ornyndaǵy ekinshi fazany iske asyrý aiasyndaǵy iri jobalarǵa, sondai-aq, jańartylatyn energiia kózderi baǵytyndaǵy birqatar jobaǵa investitsiia salýǵa daiyn ekenin naqtylady.
Memleket basshysy munai-gaz kontserniniń damý strategiiasyn ózgertý jónindegi sheshimin quptap, Qazaqstannyń 2060 jylǵa qarai kómirtegi boiynsha beitaraptyqqa qol jetkizýge beiildi ekenin aitty.
Sonymen qatar kezdesýde Arno Breiiak Qasym-Jomart Toqaevqa kompaniianyń Kaspii jáne Ońtústik-Eýropa aimaǵy baǵytyndaǵy bólimshesiniń jańa vitse-prezidenti Kristin Heilidi tanystyrdy.
