Foto: Gov.kz
Prezident Úkimetke "Torǵai - Yrǵyz" jáne batys baǵytyndaǵy basqa da avtokólik joldarynyń qurylysyn jedeldetýdi tapsyrdy, dep habarlaidy Ult.kz.
Aita keteiik, avtojol qurylysy 2025 jyldyń 14 maýsymynda bastalǵan bolatyn. Jańa baǵyttyń arqasynda Astana men Yrǵyz arasyndaǵy araqashyqtyq 573 shaqyrymǵa qysqarady.
Qurylys jumystary bir ýaqytta eki núktede – Qostanai oblysynyń Arqalyq qalasy men Jankeldin aýdanyna qarasty Torǵai aýylynda bastaldy. Qurylys "Astana – Jánteke – Egindikól – Arqalyq – Torǵai – Yrǵyz" baǵyty boiynsha júrgizilip jatyr. Joldyń jalpy uzyndyǵy – 865 shaqyrym.
