Memleket basshysy Tomoterapiia jáne iadrolyq meditsina ortalyǵyna bardy, dep habarlaidy Aqordanyń baspasóz qyzmeti.
Elbasy Tomoterapiia jáne iadrolyq meditsina ortalyǵynyń jańa ǵimaratyn aralap kórip, ár patsienttiń jekelegen qajettilikterine sai onkologiialyq aýrýlardy naqty ári joǵary sapaly sáýle berý arqyly emdeýge múmkindik beretin «TomoTherapyHI-HD» qurylǵysynyń jumysymen tanysty.
Nursultan Nazarbaev meditsinalyq mekemeniń qyzmetkerlerimen áńgimelesý kezinde onkologiialyq aýrýlarǵa diagnostika jasap, olardy emdeý barysynda zamanaýi ǵylymi ádisterdi qoldanýdyń mańyzdylyǵyn atap ótti.
Sonymen qatar, Qazaqstan Prezidentine meditsinalyq qural-jabdyqtar men preparattar shyǵaratyn jańa kásiporynnyń qyzmeti jóninde málimdeldi.
***
Tomoterapiia jáne iadrolyq meditsina ortalyǵynyń arnaýly qurylǵylary halyqaralyq standarttarǵa sáikes emdeý úderisi men sapasyn ońtailandyrýǵa jáne jetildirýge, sondai-aq aldaǵy ýaqytta ózge elderdegi onkologiialyq aýrýǵa shaldyqqan patsientterge meditsinalyq kómek kórsetýge zor múmkindik beredi.
.jpeg)