Memleket basshysy Qasym-Jomart Toqaev Tájikstan Prezidenti Emomali Rahmonmen telefon arqyly sóilesti, dep habarlaidy Aqorda.
Qasym-Jomart Toqaev Emomali Rahmondy Tájikstan Respýblikasynyń Prezidenti bolyp qaita sailanýymen quttyqtap, sailaý qorytyndylary onyń strategiialyq baǵytyna degen joǵary senim men búkilhalyqtyq qoldaýdyń belgisi ekenin atap ótti.
Áńgimelesý barysynda Memleket basshysy Tájikstan Prezidentiniń eki el arasyndaǵy berik dostyq bailanystardy jáne strategiialyq áriptestikti damytýǵa zor úles qosqanyn aitty.
Qazaqstan Prezidenti baýyrlas eki halyqtyń múddesi jolynda kúsh-jiger biriktirý arqyly kópjaqty qazaq-tájik yntymaqtastyǵy jańa belesterge kóteriletinine senim bildirdi.
Taraptar ekijaqty kún tártibindegi barlyq másele boiynsha birlesken jumysty belsendi jalǵastyrýǵa daiyn ekenin rastady. Qasym-Jomart Toqaev strategiialyq seriktestikti nyǵaitý jáne qazaq-tájik qatynastaryna tyń serpin berý maqsatynda Emomali Rahmondy ózine yńǵaily kez-kelgen ýaqytta Qazaqstanǵa resmi saparmen kelýge shaqyrdy.
