Qasym-Jomart Toqaevtyń jumys sapary Sergeevka sý qoimasyn, Qyzyljar aýdanyn jáne Petropavl qalasynyń tóńiregin tikushaqpen aralap kórýden bastaldy.
Oblys ákimi Ǵaýez Nurmuhambetov Memleket basshysyna Soltústik Qazaqstan oblysynyń Qyzyljar, Esil, Shal aqyn aýdandary men Petropavl qalasyndaǵy sý tasqyny jaǵdaiyn baiandady. Óńir ákiminiń aitýynsha, alty aýdanda tótenshe jaǵdai jariialanǵan. Qazirgi tańda 2 myńnan astam turǵyn úidi sý basqan, 10345 adam evakýatsiialanǵan.
Sý tasqynyna qarsy sharalarǵa 5270 adam jáne 906 tehnika jumyldyrylǵan. Halyqtyń turmys-tirshiligine qajetti infraqurylymdardy qalpyna keltirý jumystary júrgizilip jatyr. Tabiǵi apattan zardap shekken azamattardyń materialdyq shyǵyndaryn esepteý jáne óteý jóninde komissiia qurylǵan.
