QR Prezidenti Qasym-Jomart Toqaev Shymkent qalasynyń ákimi Murat Áitenovti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa biylǵy 9 ai ishindegi Shymkent qalasynyń áleýmettik-ekonomikalyq damýynyń negizgi kórsetkishteri týraly málimet berildi.
Memleket basshysyna qala infraqurylymynyń qalyptasýy, bólshek saýdanyń damý barysy, Jumyspen qamtý jol kartasy aiasynda qalada júzege asyrylyp jatqan jobalar jóninde baiandaldy. Qala ákiminiń aitýynsha, 226 jobaǵa 45,3 milliard teńge kóleminde qarjy bólinip, onyń 80 paiyzy igerildi. Sonymen qatar Shymkent qalasy boiynsha koronavirýs pandemiiasynyń yqtimal ekinshi tolqynyna qarsy birqatar daiyndyq sharalary qabyldanǵan.
Prezident qaladaǵy atqarylyp jatqan jumystarǵa oń baǵa berip, shaharǵa investitsiia tartý isin, qoljetimdi kóp qabatty turǵyn úi qurylysyn odan ári jandandyrýdy jáne jańa jumys oryndaryn kóptep ashýdy tapsyrdy.
