Memleket basshysy «Iadrolyq qarýsyz álem qalyptastyrý» atty halyqaralyq konferentsiia aiasynda sheteldik BAQ ókilderine suhbat berdi, dep habarlaidy "Ult aqparat" Aqordaǵa silteme jasap.
Nursultan Nazarbaev BBC, Euronews, CNBC Arabia, «Rossiia 24» telearnalary ókilderimen áńgimelesý barysynda Qazaqstannyń iadrolyq qarýdy taratpaý jáne qarýsyzdaný salasynda jumsaǵan kúsh-jigerine, sondai-aq konferentsiia kezinde usynǵan bastamalaryna qatysty saýaldarǵa jaýap berdi.
Atap aitqanda, Elbasy Semei iadrolyq synaq poligonynyń jabylý tarihy týraly áńgimelep, iadrolyq qarýdan azat álemge qol jetkizýdiń perspektivalaryna jáne osy saladaǵy syn-qaterlerdi eńserýge qatysty óz kózqarasyn bildirdi.
Sonymen qatar, Qazaqstan Prezidenti iadrolyq qarýdan azat aimaq qurý jónindegi óz tájiribesin ortaǵa salyp, aldaǵy qarashada ótetin Astana beibitshilik sammiti men Iadrolyq qarýsyzdaný úshin beriletin syilyqty taǵaiyndaý jónindegi bastamanyń jai-japsary týraly aityp berdi.
Ult portaly
