Qasym-Jomart Toqaevqa TMD-ǵa múshe memleketterdiń Parlamentaralyq Assambleiasy Keńesiniń qurylǵanyna 30 jyl tolýyna orai Almatyda ótken mereitoilyq jiynnyń qorytyndylary týraly baiandaldy, dep habarlaidy Aqordanyń baspasóz qyzmeti.
Senat tóraǵasy Memleket basshysyna biyl qyrkúiek aiynda Nur-Sultan qalasynda ótetin Álemdik jáne dástúrli dinder kóshbasshylarynyń VII sezine daiyndyq jumystary týraly málimet berdi.
Qasym-Jomart Toqaev qazirgi kezeńde zamanymyzdyń eń ózekti máseleleri boiynsha syndarly dialogty qamtamasyz etetin qazaqstandyq forýmǵa ámbebap ári jahandyq dinaralyq dialog alańy mártebesin alý mańyzdy mindet ekenin atap ótti.
Máýlen Áshimbaev palatanyń Qazaqstan halqyna Joldaýdaǵy negizgi baǵyttardy júzege asyrý jónindegi zań shyǵarý jumystary týraly aitty.
Memleket basshysy elimizdegi áleýmettik-ekonomikalyq jáne saiasi reformalardy zańnamalyq turǵyda sapaly qamtamasyz etý qajettigin atap ótti.
Sonymen qatar Senat spikeri depýtattardyń óńirlerge saparlarynyń qorytyndylary týraly aqparat berdi.
