Memleket basshysy Qaraǵandy oblysyna jumys sapary barysynda avtobýs jáne kommertsiialyq tehnika óndiretin QazTehna zaýytynyń jumysymen tanysty, dep habarlaidy "Ult aqparat" Aqordaǵa silteme jasap.
Prezidentke kásiporyn jumysynyń alǵashqy nátijeleri týraly baiandaldy.
Zaýyt 2021 jyldan beri jolaýshylar tasymalyna arnalǵan 347 avtobýs pen elektrobýs qurastyryp shyǵarǵan. Biyl jyl sońyna deiin qoǵamdyq kólik jelisin jańartý baǵdarlamasy aiasynda óńirlerge 700-den asa avtobýs pen elektrobýs jetkizý josparlanyp otyr. Onyń ishinde 208 avtobýs elimizdiń toǵyz oblysyndaǵy bilim berý uiymdaryna jiberilmek.
Zaýyt álemdegi jolaýshylar kóligin óndirýshi Yutong kompaniiasymen seriktestik ornatqan. Seriktestik aiasynda kompaniia qazaqstandyq zaýytqa qajetti tehnologiiany kezeń-kezeńimen beredi. Qazirgi kezde avtobýstar bólsheginiń 33 paiyzy jergilikti materialdardan qurastyrylady. Aldaǵy bes jylda bul kórsetkishti 50 paiyzdan asyrý josparlanyp otyr.
Búginde zaýytta 560 adam jumys isteidi. Eńbek ujymynyń basym bóligi - Saran qalasynyń jergilikti turǵyndary.
