Qazaqstan Prezidenti Qasym-Jomart Toqaev Aqmola oblysyndaǵy «Novopek» JShS-nyń jumysymen tanysty, dep habarlaidy "Ult aqparat" Aqordaǵa silteme jasap.
Memleket basshysy polipropilen buiymdaryn jasaityn kásiporyndaǵy ónim shyǵarý jumysynyń tehnologiialyq protsesimen tanysty.
Óndiriletin ónim álemdik standarttarǵa sai keledi jáne Belarýs, Qyrǵyzstan, Resei, Tájikstan elderine eksporttalady. Zaýytta 940-tan astam adam jumys isteidi.
Kompaniianyń bas direktory Rústem Osmanov Prezidentke kásiporyn qyzmetkerlerine arnalǵan 600 oryndyq jataqhananyń qurylysy týraly jáne memlekettik-jekemenshik áriptestik aiasynda salynatyn balabaqsha jaiynda baiandady.
