Foto: Aqorda
Qasym-Jomart Toqaev Ózbekstan Prezidenti Shavkat Mirziioevtiń shaqyrýymen Tashkentke memlekettik saparmen bardy, dep habarlaidy Ult.kz.
«Tashkent-Hýmo» áýejaiynda mártebeli meimannyń kelýine orai Qurmet qaraýyly sap túzedi. Memleket basshysyn Prezident Shavkat Mirziioev qarsy aldy.
Qasym-Jomart Toqaev Shavkat Mirziioevke Tashkentke memlekettik saparmen kelýge shaqyrǵany jáne dástúrli qonaqjailyq tanytqany úshin rizashylyǵyn bildirdi.
Kezdesý barysynda memleketter basshylary qazaq-ózbek strategiialyq seriktestigi men odaqtastyǵyn odan ári damytý perspektivasyn egjei-tegjeili talqylady. Prezidentter saýda, ónerkásip kooperatsiiasy, kólik-logistika, energetika, aýyl sharýashylyǵy, sý resýrstary sekildi basym baǵyttardaǵy, sondai-aq mádeni-gýmanitarlyq salalardaǵy yqpaldastyqty nyǵaitý máselelerin qarastyrdy.
Sonymen qatar óńirlik jáne halyqaralyq kún tártibiniń ózekti máseleleri jóninde pikir almasty. Osydan keiin Qazaqstan men Ózbekstan prezidentteri Joǵary memleketaralyq keńestiń ekinshi otyrysyna qatysty.
Foto: Aqorda
Jiynnyń kún tártibinde eki eldiń saýda-ekonomika, kólik-tranzit, sý-energetika jáne mádeni-gýmanitarlyq salalardaǵy yntymaqtastyq máseleleri qarastyryldy.
Memleket basshysy qonaqjailyǵy úshin Prezident Shavkat Mirziioevke rizashylyǵyn bildirip, saparynyń basty maqsaty – qos halyqtyń dostyǵyn nyǵaityp, tatý kórshilik bailanystaryn kúsheitý, sondai-aq túrli saladaǵy ózara tiimdi yqpaldastyqty damytý ekenine nazar aýdardy.
"Qurmetti Shavkat Miromonovich, Ózińizdiń qajyrly eńbegińizdiń arqasynda elińizde kóptegen oń ózgeris bolyp jatyr. Halyqtyń ál-aýqatyn jaqsartýdy kózdeitin mańyzdy bastamalar qolǵa alyndy. Ózbekstan – biz úshin týystas, aǵaiyn el, tatý kórshi ári senimdi seriktes. Qos el arasyndaǵy dostyqtyń tamyry tereń, halyqtarymyzdyń rýhani qundylyqtary ortaq deýge bolady. Qazaq-ózbek qarym-qatynasy strategiialyq seriktestik jáne odaqtastyq rýhynda qarqyndy damyp kele jatyr", – dedi Memleket basshysy.
Qasym-Jomart Toqaev halyqaralyq ahýal aýmaly-tókpeli kezeńde san qyrly yqpaldastyqtyń damý qarqynyn arttyrý qajet ekenin atap ótti.
Memleket basshysy Ózbekstan Prezidentimen kelissóz barysynda saiasi jáne ekonomikalyq bailanystardy jandandyra túsetin jańa baǵyttar aiqyndalǵanyn jetkizdi.
"Ózara yntymaqtastyq áleýetin tolyq paidalanýdy quptaimyz. Sondyqtan osy baǵytta tabandy eńbek etýge daiyn ekenimizdi aittyq. Eń áýeli, saýda-ekonomika salasyna erekshe mán berý kerek. Saýda-sattyqty damytý úshin ósimniń tyń múmkindikterin izdeý, taýarlar nomenklatýrasyn keńeitý jáne shikizattyq emes eksportty yntalandyrý sharalaryn qabyldaý qajet. Osy oraida Ózara taýar ainalymyn arttyrý baǵdarlamasyn sapaly júzege asyrý mańyzdy. Búgin qurylatyn Óńir basshylary keńesin, sondai-aq Iskerlik keńes pen «UzKazTrade» birlesken saýda kompaniiasy sekildi basqa da ekijaqty mehanizmderdiń jumysynan naqty nátije kútemiz", – dedi Qazaqstan Prezidenti.
Memleket basshysynyń aitýynsha, aýyl sharýashylyǵy salasyndaǵy yntymaqtastyqtyń áleýeti zor.
Qasym-Jomart Toqaev qarapaiym saýdadan góri et, bidai, maily daqyldardy óńdeýdiń tolyq óndiristik tizbesin qalyptastyrýdy, mal sharýashylyǵy men organikalyq egin sharýashylyǵyn birge damytýdy usyndy.
Buǵan qosa Prezident ónerkásip kooperatsiiasyna úlken úmit artady.
"Qazirgi kezde jalpy somasy bir jarym milliard dollardan (1,7 mlrd dollar) asatyn 78 birlesken jobamyz bar. Onyń aiasynda 15 myńnan astam jumys ornyn ashý kózdelgen. Atalǵan jobalar tolyq iske assa, ekonomikalyq jáne investitsiialyq yqpaldastyǵymyz aitarlyqtai kúsheiedi. Búgin biz olardyń bir parasyn iske qosamyz. Qazaqstannyń Ózbekstanǵa salatyn investitsiiasyn odan ári yntalandyrýǵa niettimiz. Bul rette ózbek dostarymyzdan ádettegidei qoldaý kútemiz. Qurylysy júrip jatqan «Ortalyq Aziia» halyqaralyq ónerkásip kooperatsiiasy ortalyǵy indýstrialdyq qýatymyzdy odan ári arttyrýda mańyzdy ról atqarady", – dedi Qasym-Jomart Toqaev.
